Hupstoot vir Maltahöhe

Die Capricorn-stigting het ’n verdere N$1,1 miljoen aan die RuralRevive-inisiatief op Maltahöhe geskenk, wat twee doelwitte ondersteun: tuinbou en afvalbestuur.

Die belegging strook met die stigting se fokus op ekonomiese bevordering en versterk sy bestaande vennootskap met die Wolwedans-stigting.

RuralRevive is ’n inisiatief van die Wolwedans-stigting se Visie 2030 – die AridEden-projek het ten doel om ’n sirkulêre ekonomie te ontwikkel en volhoubare werksgeleenthede en entrepreneurskap in en om Maltahöhe in vyf sleutelgebiede te skep en wel handel, gemeenskap, bewaring, kultuur en bewusmaking.

– [email protected]