Gobabis vee voor sy eie deur

Aurelia Afrikaner - Van straatkind tot skoolkind, van bejaarde tot boervrou het Vrydag ingespring om Gobabis ‘n skoon baadjie voor die aanvang van die vakansieseisoen te gee. Die skoonmaakveldtog is die inisiatief van Marie Beukes wat sê die hoofdoel was om rommel op te tel en elke inwoner en besigheid op die dorp aan te moedig om hul eie plekke skoon te maak.“Almal kla altyd die dorp is baie vuil. Die munisipaliteit bly na bewering volgens weens finansiële probleme ook nie voor nie,” vertel Marie wat deel is van ‘n Vra is Vry-groep vir Gobabis wat uit 240 lede bestaan. Sy het dié groep en ook ‘n advertensiegroep met 270 lede ingespan om die skoonmaakboodskap uit te dra en die veldtog te koördineer.Die reaksie van die gemeenskap was eintlik goed, sê Marie, met besighede wat skoonmakers gehuur en boervroue wat werkers van plase af gebring om te help skoonmaak. “Ons wil die dorp skoon en netjies laat lyk voor die toeriste vir die vakansie hier deurry. Ek het Vrydag van my werksmense gebring wat die ingang van Botswana se kant skoongemaak het, hulle het omtrent die hele dag gewerk.”Straatkinders het vir ‘n koeldrank en ‘n broodjie ook gehelp, terwyl bejaardes van Huis Deon Louw gehelp het om veral die rotstuintjie voor die perseel skoon te maak. Die dorp se begraafplaas het ook ná Vrydag se veldtog weer ‘n skoon baadjie aangetrek.Sommige besighede het hul egter nie gesteur aan die projek nie, dit nadat sy “omtrent elke besigheid gekontak het.” “Een van die skole het baie mooi gehelp, maar vandag maar weer gemors. Een besigheid het yskoue koeldranke en water voorsien en 'n ander een broodjies. Instansies het ook baie swartsakke geskenk.”Die skoonmaakveldtog gaan volgens Marie beslis weer herhaal word, met meer koördineerders helpers wat nodig is. Masjinerie is ook nodig om die hope vuilgoed op te tel, omdat die munisipaliteit s’n glo gebreek is. Die dorp se vullishope waar die vullis “die wêreld vol waai en nie toegestoot of verbrand word nie”, moet ook omhein word. “Ek dink die publiek gaan volgende keer beter hul samewerking gee, aangesien hul nou gesien het dit kan werk. Instansies kan gereeld om hulle en in hul strate skoonmaak. Motiveer almal by die werk om te help.”Sy maan meer aandag moet gegee word aan bewusmaking om minder rommel te strooi. “Gobabis-mense glo hulle skep werk deur die vuilgoed op die grond te gooi. Dis nie waar nie. Gebruik asb die asdromme wat oral in die dorp is en hou ons dorp skoon!”Marie het haar dankbaarheid uitgespreek teenoor Plastick Packaging, Shoprite, Megasave en Spandiens 2, Cymot, asook die inwoners van Gobabis. - republikein@republikein.com.na

Gobabis vee voor sy eie deur

Kommentaar

Republikein 2026-01-21

Meld asseblief aan om kommentaar te lewer

Gobabis vee voor sy eie deur

Kommentaar

Republikein 2026-01-21

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.