Gholfdag ondersteun kinders

Die eerste Annual Ace-gholfdag begin môre by die Windhoek Buitekluboord onder die tema “Putt for Progress” en die opwinding bou reeds op.Dié geleentheid word vir die eerste keer ter ondersteuning van die African Child Development Trust (ACDT) gehou en is reeds uitverkoop. Ongeveer 21 spanne gaan bymekaarkom vir ’n dag van pret en ’n gemeenskaplike doel.“Ons is ongelooflik dankbaar vir die oorweldigende ondersteuning van ons borge en vennote: Power Line Africa, Afriwallet, Enjoy Travel Namibia, Synergi, Shell, Bartsch Architecton, Emeraldsand Platforms, MyEticket, Mannie’s Bike Mecca, Intouch, Giant Bicycles, The Rare Smokey Mare, Sport Wrap, NTV, Network Media Hub en DZ Golf,” het Sharnay Botha, ’n trustee van ACDT, gesê. Opbrengste van die dag sal vroeë kinderonderrig ondersteun deur die ontwikkeling en verspreiding van kurrikulumgerigte boekies vir graad 0 tot 3 oraloor Namibië.Met opwindende aktiwiteite op die baan, veilings en wonderlike pryse, is die Annual Ace-gholfdag meer as net ’n gholfdag, dis ’n daadwerklike bydrae tot verandering. “Dankie Namibië, dat julle ons missie van Putt for Progress ondersteun!” sê Botha. – republikein@republikein.com.na

Gholfdag ondersteun kinders

Kommentaar

Republikein 2025-12-17

Meld asseblief aan om kommentaar te lewer

Gholfdag ondersteun kinders

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.