Geen einde in sig vir Hoachanas se waterkrisis

’n Ernstige watertekort het die Hoachanas-kinderfonds (HCF) se gemeenskapstuinprojek tot stilstand gebring, wat jare se vordering bedreig om voedselsekerheid, kindervoeding en lewensonderhoud in die Hardapstreek te verbeter.Inwoners sê water is slegs vir ’n paar uur per dag in die vroeë oggend beskikbaar voordat krane vir die res van die dag heeltemal leegloop. Dit beteken gesinne het nie genoeg water om te kook, skoon te maak of hul tuine nat te lei nie. Die situasie duur al twee jaar voort.“Die situasie het ondraaglik geword. Ons agterplaastuine is besig om dood te gaan, wat die voedselsekerheid en lewensbestaan van baie gesinne bedreig,” het die gemeenskapsleier en HCF-koördineerder, Kenneth Rheent, gesê.“Die Hoachanas-kinderfonds, wat plaaslike tuine en voedingsprogramme ondersteun, is nou onder geweldige druk aangesien selfs sy beperkte watertenks leegloop.”Rheent, wat die afgelope vier jaar aan die stuur van die HCF-agterplaasprojek is, het gesê die waterkrisis val onder die verantwoordelikheid van die Hardap-streekraad.“Geen sigbare optrede of dringendheid om die situasie op te los, kan egter bespeur word nie. Ons leiers en tradisionele owerhede bly stil, terwyl die gemeenskap ly,” het hy gesê.Die HCF-projek is ’n gemeenskapsgedrewe inisiatief wat lewens in Hoachanas verander het deur voeding te verbeter en volhoubare lewensbestaan te skep.Oor die afgelope vier jaar het die projek verseker dat geen voorvalle van kinderondervoeding in die gemeenskap aangeteken is nie.Deur meer as 200 agterplaastuine te vestig, het gesinne hul eie groente begin gekweek, hul afhanklikheid van voedselhulp verminder en huishoudelike voeding verbeter.SOPKOMBUISEDie projek ondersteun ook 18 sopkombuise, wat daagliks maaltye aan honderde kinders by nasorgsentrums verskaf, met behulp van groente wat by plaaslike tuiniers aangekoop word.Die inisiatief is gevestig op ’n stelsel van 18 tuingroepe, elk bestaande uit 8 tot 10 lede wat weekliks vergader om kennis uit te ruil, vordering te deel en gemeenskapsbande te versterk. Die inisiatief bied ook gratis saad, opleiding en ontwikkelingsondersteuning aan inwoners, wat hulle help om kleinskaalse tuinbou suksesvol toe te pas.Die opleiding word aangebied deur John Kauena, ’n jong tuinbou-opleier van Hoachanas, wat nou met inwoners saamwerk om praktiese landbouvaardighede oor te dra.Sy werk is noodsaaklik om die gemeenskap toe te rus met tegnieke om voedsel te kweek, selfs in strawwe toestande, ’n strewe wat nou bedreig word weens die gebrek aan water.“Die waterkrisis het alles waarvoor ons gewerk het tot stilstand gebring,” het Rheent gesê.“Ons tuine gaan dood, ons voedingsprogramme word beïnvloed en gesinne verloor die middele om hulself te onderhou.”Die HCF het 'n beroep op die media en die publiek gedoen om bewusmaking oor die krisis te verskerp en druk op die owerhede uit te oefen om daadwerklik op te tree.“Ons doen ’n beroep op u ondersteuning om oor hierdie storie te berig en uit te saai, om ons te help om bewusmaking te verhoog en die proses om die krisis op te los, te bespoedig.“Die mense van Hoachanas verdien water, waardigheid en aandag voordat die situasie verder vererger,” het Rheent gesê.Terwyl die krane steeds droog bly, hang die toekoms van ’n projek wat eens as ’n toonbeeld van gemeenskapsveerkragtigheid en selfstandigheid gestaan het, nou in die weegskaal.– republikein@republikein.com.na

Geen einde in sig vir Hoachanas se waterkrisis

Kommentaar

Republikein 2025-12-01

Meld asseblief aan om kommentaar te lewer

Geen einde in sig vir Hoachanas se waterkrisis

Kommentaar

Republikein 2025-12-01

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.