Drie jong modelle slaan internasionale kontrakte los
Drie jong modelle – Janine Esterhuizen, Mia Coetzee en Louwrens van Zyl – vertrek eersdaags uit Namibië om hul loopbane in die internasionale sfeer voort te sit. Esterhuizen en Coetzee het kontrakte met KAD Models losgeslaan, ’n agentskap wat in Indië gebaseer is. Van Zyl sal na Japan vetrek waar hy ’n kontrak met World Top Models Japan gekry het.
Al drie is modelle van Figures Models Namibia. Die agentskap se direkteur, Juanita Koen, sê dit is moeilik vir modelle in Namibië om sukses soos dié te behaal, omdat daar weinig van hulle gebruik gemaak word vir modelleerwerk.
"In plaas daarvan om Namibiese modelle te gebruik vir advertensiewerk, loopplankwerk of vir fotos, gebruik almal eerder modelle uit Suid-Afrika. Dit maak dit nogals moeilik vir hulle om hoop te hê," sê sy.
"Dit sal die plaaslike modelle baie help as Namibiërs hulle kan gebruik vir modelleerwerk en as hulle gehelp kan word om internasionaal te kan gaan."
’n Gebrek aan borgskap is ook 'n groot struikelblok, verduidelik Koen.
"As modelle self moet toer om die geleentheid te kry om dalk ’n internasionale kontrak te kry, wil baie min mense hulle help met die fondse. Dit maak dit moeilik om Namibië se naam daar buite te kry, want baie het nie die finansies om te kan toer nie," sê sy.
Wanopvatting
Koen sê baie mense glo modelle moet lank en maer wees, maar dit is nie waar nie.
"As ek ’n dollar moet hê vir al die mense wat so dink, sal ek 'n milljoenêr wees," skerts sy. Sy verduidelik dat loopplankmodelle ongeveer 1,7 m tot 1,8 m lank en klein gebou moet wees, maar sê daar is ’n verskeidenheid ander tipe modelwerk wat verskeie soorte skoonheid verkies.
"Modelwerk gaan nie net oor lang en maer meisies nie, glad nie," sê sy. Volgens Koen verkies baie agente modelle wat natuurlik lyk. "Hulle soek nie ’n poppie wat se hare so mooi gekrul is en die gesig mooi geverf nie. Dan kan hulle niks met jou doen nie, want jy is perfek. Natuurlikheid is bitter belangrik by ons," sê sy.
– [email protected]
Al drie is modelle van Figures Models Namibia. Die agentskap se direkteur, Juanita Koen, sê dit is moeilik vir modelle in Namibië om sukses soos dié te behaal, omdat daar weinig van hulle gebruik gemaak word vir modelleerwerk.
"In plaas daarvan om Namibiese modelle te gebruik vir advertensiewerk, loopplankwerk of vir fotos, gebruik almal eerder modelle uit Suid-Afrika. Dit maak dit nogals moeilik vir hulle om hoop te hê," sê sy.
"Dit sal die plaaslike modelle baie help as Namibiërs hulle kan gebruik vir modelleerwerk en as hulle gehelp kan word om internasionaal te kan gaan."
’n Gebrek aan borgskap is ook 'n groot struikelblok, verduidelik Koen.
"As modelle self moet toer om die geleentheid te kry om dalk ’n internasionale kontrak te kry, wil baie min mense hulle help met die fondse. Dit maak dit moeilik om Namibië se naam daar buite te kry, want baie het nie die finansies om te kan toer nie," sê sy.
Wanopvatting
Koen sê baie mense glo modelle moet lank en maer wees, maar dit is nie waar nie.
"As ek ’n dollar moet hê vir al die mense wat so dink, sal ek 'n milljoenêr wees," skerts sy. Sy verduidelik dat loopplankmodelle ongeveer 1,7 m tot 1,8 m lank en klein gebou moet wees, maar sê daar is ’n verskeidenheid ander tipe modelwerk wat verskeie soorte skoonheid verkies.
"Modelwerk gaan nie net oor lang en maer meisies nie, glad nie," sê sy. Volgens Koen verkies baie agente modelle wat natuurlik lyk. "Hulle soek nie ’n poppie wat se hare so mooi gekrul is en die gesig mooi geverf nie. Dan kan hulle niks met jou doen nie, want jy is perfek. Natuurlikheid is bitter belangrik by ons," sê sy.
– [email protected]
Kommentaar
Republikein
Geen kommentaar is op hierdie artikel gelaat nie