Die ryk geskiedenis van Hentiesbaai se Köstens

"My pa was vir my ’n baie goeie pa. Hy kon grappies maak, maar was ook ernstig op die regte tye. Hy was ’n goeie visserman en het die Namib baie goed geken." So gesels oom Sigi Köstens snr. (85) oor sy pa Siegfried Herman Köstens wat in 1954 homself en sy gesin permanent op Hentiesbaai gevestig het. Die Köstens-gesin word in Abie van der Merwe se boek, Hentiesbaai van Toeka tot Nou, erken as van die eerste permanente inwoners van Hentiesbaai. Siegfried Köstens het ook die eerste winkel op Hentiesbaai gestig, maar het glo die meeste van sy inkomste gemaak deur babers wat hy gevang, gerook en dan in die binneland gaan verkoop het. Siegfried het ook later van tyd vars vleis en brood begin verkoop. Siegfried se winkel is aangebou by die huis wat hy op Hentiesbaai gebou en wat net uit &#039;n kamer en &#039;n motorhuis bestaan het. Van der Merwe deel in sy boek ’n staaltjie uit die Köstens se winkel oor &#039;n kliënt wat op soek was na vla. Die antwoord was &#039;nee&#039; vir die vla, maar &#039;ja&#039; vir die pakkie wat op die rak gestaan het. "Nou hoekom sê jy nie custard nie, want dit het ons!," was Siegfried se verweer.Oom Sigi het ook die eerste vulstasie op Hentiesbaai gebou wat volgens sy seun Sigi jnr. ook as Hentiesbaai se dansplek gedien het. "Hulle het die ligte aangesit en die aanrybaan van die vulstasie gebruik as ’n dansbaan," vertel hy. Volgens hom het sy pa en oupa op Hentiesbaai afgekom toe hulle ’n vliegtuig wat in dik sand vasgesit het, moes gaan uithelp. Die vliegtuig moes passasiers van die Dunedin Star gaan help nadat dit in die verknorsing beland het. HERMANSiegfried is gebore en getoë op Swakopmund. Sy ouers, Herman en Kate Köstens, was saam met die Schutztruppe op Swakopmund gestationeer. Sy broer Arnold Köstens het ook ’n slaghuis en bakkery op Swakopmund besit. Herman het op &#039;n aand spoorloos verdwyn nadat hy en sy hond afgestap het kaai toe en net nooit weer gesien is nie. Sy hond het later sy weg terug na die Köstens se huis gevind, maar Herman se liggaam is nooit gevind nie. LIEFDESVERHAALSigi snr. het in Mei 1962 vertrek uit Hentiesbaai om ’n troue in Randfontein by te woon. Hier ontmoet hy die bure se dogter Lien Maré, sy vir hom en sy neef koffie aandra waar hulle besig is om &#039;n motor te diens. Sigi en Lien moet heel toevallig by die troue sorg dat al die gaste se glase vol en dis is hier waar húl liefdesverhaal begin. Sigi moes egter na Hentiesbaai terugkeer en ’n paar maande later, op 17 Desember 1962, gebruik Lien haar eerste vrypaskaartjie as werknemer van die spoorweë om die treinrit van drie dae na Windhoek aan te pak. Sigi tel haar op in die hoofstad en saam vertrek die twee na Hentiesbaai. Op 23 Desember vra Sigi vir Lien om te trou. ’n Troudatum is vir Augustus die volgende jaar vasgemaak, maar die troue word vervroeg na 27 April 1963. Ná ses dekades saam is Sigi en Lien steeds gelukkig getroud. - irene@republikein.com.na

Die ryk geskiedenis van Hentiesbaai se Köstens

Kommentaar

Republikein 2026-02-03

Meld asseblief aan om kommentaar te lewer

Die ryk geskiedenis van Hentiesbaai se Köstens

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.