Bedags die diere, saans die musiek

Jemimah Ndebele – Bedags bestee hy sy tyd om die inwoners van die Padlangs-padstal se mini-dieretuin buite Mariental te versorg. Maar as die son sak sing Musimba (Moses) Paulus ’n ander deuntjie wanneer hy as musikant sy liefde vir musiek uitleef. Gebore en getoë in Rundu is Moses se band met diere gevorm deur sy omgewing. Hy onthou die tye toe hy sy oupa, wat as skaapwagter gewerk het, al langs die Kavangorivier vergesel het.“Daardie oomblikke het my liefde vir diere gevorm. Dit was soos musiek vir my siel,” vertel hy. Soos Moses ouer geword het, het sy belangstellings verder as die natuur gegroei en het hy die wêreld van musiek ontdek.“Musiek maak my gelukkig, veral om dit te maak en myself uit te druk.”Die lewe in Rundu het sy eie uitdagings gehad en sy familie het besluit om na die suide van die land te trek op soek na ’n beter lewe. Ten spyte van pogings om werk in sy tuisdorp te vind waarin hy sy musikale ambisie kon uitleef, het Moses uiteindelik voor ’n kruispad te staan gekom. “Dit was ’n moeilike tyd, maar ek het geweier om my drome te laat vaar.”In 2018 besluit hy om by sy familie in Mariental aan te sluit. Min het hy geweet dit sou hom op die vreemdste manier terugneem na sy kindertydse passie. Toe Moses die geleentheid kry om by die padstal se mini-dieretuin te werk, het hy dit met ope arms aangegryp. “Om die diere te versorg, voel vir my soos tweede natuur.” Sy passie vir musiek het egter nie agterweë gebly nie.“Wanneer ek nie met die diere werk nie, hou ek daarvan om na musiek te luister en liedjies te skryf. Ek hou ook daarvan om met verskillende ritmes te eksperimenteer.” – republikein@republikein.com.na

Bedags die diere, saans die musiek

Kommentaar

Republikein 2026-06-19

Meld asseblief aan om kommentaar te lewer

Bedags die diere, saans die musiek

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.