Annual Ace slaan kolhou vir kinders

Dit was 'n miernes van bedrywighede gister op die setperk van die Windhoek Gholfklub met 'n gewemel van gholfstokke en joggies en met elke speler wat so vir liefdadigheid afgeslaan het.  

The Annual Ace 2026, 'n moet op die jaarlikse sportkalender, is sinoniem met mededingende spel, opwindende pryse vir ’n kolhou en die belangrikste van alles ’n sterk maatskaplike boodskap van dien. 

Power Line Africa is The Annual Ace 2026 se Legacy Ace-vennoot, wie se volgehoue ondersteuning ’n sleutelrol in die groei en impak van die jaarlikse toernooi en die African Child Development Trust (ACDT) gespeel het.

Om te mik vir ’n kol- eerder as ’n brou- of ’n ploeghou, het gesorg vir pryse van Castle Lite en XCO. Byomende vennote vir The Annual Ace 2026 het ingesluit DZ Golf, Bartsch Architects, Miko Coffee, Synergi Group, en Pupkewitz Motors. Alle geld wat tydens die toernooi ingesamel word, ondersteun ACDT se onderwysprojek. So help elke swaai van ’n gholfstok op die dag om in Namibië se toekoms te belê.