Wildsfees jou lekker ding!
Duisende besoekers op Outjo verwag
Die gewilde Outjo Wildsfees is terug en verwag hierdie naweek duisende feesgangers deur sy hekke.
Die gewilde Outjo Wildsfees het 1 000 kaartjies verkoop tvir eerste aand toe name gewilde kunstenaars soos Die Broers, Chris Else en die Drommedaris Drum Duo Donderdagaand die fees se verskeie verhoë betree het.
"Ons hoop vir tussen 5 000 en 6 000 voete vir die naweek. Dit sal fantasties wees en dit lyk vir my ons is besig om in daardie rigting te beweeg, so ons is opgewonde," sê organiseerder Paul Oosthuizen.
Volgens Paul het die span agter al die reëlings ook seker gemaak daar is verblyf vir elkeen wat vir die fees op die dorp en die terrein toesak.
"Ek dink die enigste negatiewe ding hier is die verblyf en dit is hoekom ons ons tentedorp op die feesterrein het met tente en kampbeddens," het hy gesê.
Die veiligheid van besoekers en sekuriteit by die Outjo Wildsfees is ook 'n belangrike prioriteit.
"Dit is ’n veilige fees. Die kinders het springkastele waar hulle kan speel en almal is welkom , vir my gaan dit oor die veiligheid. Die kinders kan rondhardloop en speel en daar is nie een ouer wat bekommerd hoef te wees oor die veiligheid van hul kinders nie. Ek dink dit is ’n groot ding en dit maak saak," beklemtoon Paul.
Saterdag word die fees afgesluit met Blackbyrd, Eloff en Posduif wat vanaf 18:25 op die hoofverhoog sal wees. Om 10:00 is dit eers tyd vir 'n Koekedoortjie-kompetisie vir die jongspan by die Proe & Kuier Kraal, waar daar ook van 14:00 af ’n braaikompetisie sal wees. Die dames kuier vanaf 11:00 saam by die Wildsfees Boma vir decoupage saam met Riaan Smit.
Die gemeenskap en samesyn wat die Wildsfees bied, staan volgens Paul sentraal tot die fees.
"Ons is deel van die gemeenskap en dit is wat dit so lekker maak. Die klein gemeenskap waarvan ons almal deel is, staan almal saam. Dit is wat dit so lekker maak en hoekom ons betrokke is," sê hy trots.
Paul help vanjaar vir die eerste met die organisering en erken hy was verbaas oor die hoeveelheid logistiek wat deel van die beplanning is. "Ons is bitter gelukkig. Alles het tot dusver seepglad verloop," sê hy dankbaar. – [email protected]
"Ons hoop vir tussen 5 000 en 6 000 voete vir die naweek. Dit sal fantasties wees en dit lyk vir my ons is besig om in daardie rigting te beweeg, so ons is opgewonde," sê organiseerder Paul Oosthuizen.
Volgens Paul het die span agter al die reëlings ook seker gemaak daar is verblyf vir elkeen wat vir die fees op die dorp en die terrein toesak.
"Ek dink die enigste negatiewe ding hier is die verblyf en dit is hoekom ons ons tentedorp op die feesterrein het met tente en kampbeddens," het hy gesê.
Die veiligheid van besoekers en sekuriteit by die Outjo Wildsfees is ook 'n belangrike prioriteit.
"Dit is ’n veilige fees. Die kinders het springkastele waar hulle kan speel en almal is welkom , vir my gaan dit oor die veiligheid. Die kinders kan rondhardloop en speel en daar is nie een ouer wat bekommerd hoef te wees oor die veiligheid van hul kinders nie. Ek dink dit is ’n groot ding en dit maak saak," beklemtoon Paul.
Saterdag word die fees afgesluit met Blackbyrd, Eloff en Posduif wat vanaf 18:25 op die hoofverhoog sal wees. Om 10:00 is dit eers tyd vir 'n Koekedoortjie-kompetisie vir die jongspan by die Proe & Kuier Kraal, waar daar ook van 14:00 af ’n braaikompetisie sal wees. Die dames kuier vanaf 11:00 saam by die Wildsfees Boma vir decoupage saam met Riaan Smit.
Die gemeenskap en samesyn wat die Wildsfees bied, staan volgens Paul sentraal tot die fees.
"Ons is deel van die gemeenskap en dit is wat dit so lekker maak. Die klein gemeenskap waarvan ons almal deel is, staan almal saam. Dit is wat dit so lekker maak en hoekom ons betrokke is," sê hy trots.
Paul help vanjaar vir die eerste met die organisering en erken hy was verbaas oor die hoeveelheid logistiek wat deel van die beplanning is. "Ons is bitter gelukkig. Alles het tot dusver seepglad verloop," sê hy dankbaar. – [email protected]
Kommentaar
Republikein
Geen kommentaar is op hierdie artikel gelaat nie