Unesco-hoofde sal wetgewers beter inlig

Dr. Hilma Rantila Amwele en prof. Dharm Singh Jat, beide verbonde aan Nust, is onlangs as die Unesco hoofde van volhoubare waternavorsing vir klimaatsaanpassing in soutboerdery in droë omgewings en veilige hoëverrig rekenaarstudies vir hoër onderrig en navorsing aangewys. Die Namibië Universiteit van Wetenskap en Tegnologie (Nust) in samewerking met die Verenigde Nasies Opvoedkundige, Wetenskaplike en Kulturele Organisasie (Unesco) het hierdie aanstellings gedoen.Die adjunkkanselier vir Nust, dr. Ernold Naomab, glo hierdie prestasie is ’n pluimpie vir die universiteit en hy reken dit plaas Nust in ’n unieke posisie om waarde by hierdie inisiatief te voeg. “Nust is in ’n baie strategiese posisie om die hoofde verby blote akademie te neem en in ’n meer implementerings-gebaseerde rigting in te neem waar hulle inligting kan verskaf wat tot die aanpassing van wetgewing kan bydra,” sê Naomab. Die minister van hoër onderwys, tegnologie en innovering, dr. Itah Kandjii-Murangi, sê hierdie onderneming is bloot nog ’n stap om Namibië in lyn te bring met die Verenigde Nasies se volhoubare ontwikkelingsdoelwitte (SDG’s) asook met nasionale ontwikkelingsdoelwitte. “Dit is geen geheim nie dat Namibië een van die lande is waarin uiterste waterskaarste, energie- en voedselonsekerheid probleme skep. “Om dié rede is hierdie hoofde se taak van kritiese belang om fundamentele navorsing te doen en besluitnemers in te lig oor hoe om die toekenning van hulpbronne te prioritiseer,” het Kandjii-Murangi gesê.

Unesco-hoofde sal wetgewers beter inlig

Kommentaar

Republikein 2025-12-16

Meld asseblief aan om kommentaar te lewer

Unesco-hoofde sal wetgewers beter inlig

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.