Steinmann gee LSN se leisels oor

Ná ’n kwarteeu se diens aan die Regsvereniging van Namibië (LSN) tree me. Retha Steinmann in November vanjaar as direkteur van dié instansie uit.Die LSN het verlede week me. Neliswa Tjahikika as Steinmann se opvolger aangekondig. “Van my eerste dag af het ek besef ek het groot skoene om vol te staan, maar ek is gretig om van haar [Steinmann] te leer sodat ek juis dit kan doen,” het sy gesê. Steinmann het gesê haar uittrede is die “natuurlike einde” van haar kontrak, wat reeds verleng is weens haar verpligtinge as die president van die Internasionale Instituut vir regverenigingshoofde (IILACE).Steinmann sê sy gee die leisels met ’n geruste hart oor, en is tevrede dat sy Namibië op internasionale vlak kon verteenwoordig. “’n Hoogtepunt was om Namibië in ’n internasionale forum soos die IILACE te kan verteenwoordig. Voor dit het die IILACE nog nooit ’n president vanaf die Afrikavasteland gehad nie. Ek was trots om daar te wees en ons vereniging te verteenwoordig,’ het sy gesê. Hoewel Tjahikika besef Steinmann het diep spore in die LSN en die Namibiese regswese getrap, neem sy die leisels met selfvertroue oor. “Dis ’n groot eer om as direkteur van die LSN aangewys te word en dit is ’n pos wat ek vertrou ek kan volstaan. Ek het die volste bedoeling om die mense te dien vir die wyer ontwikkeling van ons beroep. Ek is ’n dienaar en ek sal juis dit doen,” het Tjahikika gesê. – republikein@republikein.com.na

Steinmann gee LSN se leisels oor

Kommentaar

Republikein 2025-05-01

Meld asseblief aan om kommentaar te lewer

Steinmann gee LSN se leisels oor

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie