Staan saam teen korrupsie
Media-ombudsman kap na wetgewers
Die uitvoerende direkteur van gesondheid sê Namibië het sy Covid-19-verwante verkryging deursigtig bestuur.
Augetto Graig
Die Teenkorrupsiekommissie van Namibië (ACC) het Maandag Afrika-teenkorrupsiedag saam met die res van die vasteland gevier.
Die Afrika-unie (AU) het 11 Julie as Teenkorrupsiedag in Afrika verklaar. Die ACC het die AU se tema “Strategie en meganismes vir die deursigte bestuur van Covid-19-fondse” herhaal, maar ook beter samewerking met ondersoekende joernaliste benadruk.
Die adjunk-direkteur-generaal van die ACC, adv. Erna van der Merwe, het gesê: “Saam sal ons Namibië 'n toonaangewende voorbeeld van goeie bestuur maak, ’n gebaar wat die res van die deelnemende lande kan nastreef.”
Sy sê die tema van die dag wat handel oor Covid-19-befondsing kom op die regte tyd.
“Geen twyfel bestaan dat korrupsie tydens krisistye floreer nie, en die voortdurende globale pandemie is nie ’n uitsondering nie.
“Gedurende Covid-19 kan die stryd teen korrupsie die verskil tussen lewe en dood beteken; tussen voldoende voedsel en hongerte; tussen ’n dak oor jou kop of om haweloos te wees,” brei sy uit.
“In Namibië het die Teenkorrupsiekommissie nie klagtes van korrupsie wat ondersoek moes word rakende die direkte bestuur van Covid-19-fondse ontvang nie,” het sy gesê.
Die uitvoerende direkteur van gesondheid en maatskaplike dienste, mnr. Ben Nangombe, sê die regering was besig met ’n ramprisikobestuursplan toe die pandemie op 13 Maart 2020 in Namibië uitgebreek het.
Die koste verbonde aan die plan is spoedig onder die regering se aandag gebring en N$727 miljoen is aanvanklik daarvoor begroot.
Verdere skenkings is na die kantoor van die eerste minister in beheer van ’n doelgerigte fonds gestuur, terwyl sy ministerie mediese toerusting en voorraadskenkings behartig het.
“Die verslag wat die aanspreeklikheid vir Covid-19-verwante bedrywighede aandui, is saamgestel en by die ouditeur-generaal se kantoor ingedien,” sê hy.
“Ons het duidelike rekord van verkryging in verband met Covid-19-verwante items en ons kan die verslag voorsien,” voeg hy by.
Die ACC se hoofwoordvoerder, me. Josefina Nghituwamhata, het gesê daar was een geval waar iemand Nangombe se handtekening vervals het. Die persoon het met daardie brief geld probeer insamel. Die ACC se ondersoek is aan die gang om die amptelike stempels op te spoor wat op die vervalsde dokument gebruik is.
“Ja, mense het probeer om misbruik van die krisis te maak en talle voorvalle van vervalste handtekeninge en dokumente het voorgekom,” het Nangombe beaam.
Die ministerie het op drie verskillende geleenthede waarskuwings uitgereik,” het hy gesê.
Volgens hom is diefstal van Covid-19-voorraad by die ministerie by die Namibiese polisie aangemeld.
Ná die amptelike toesprake het die ACC ’n paneelbespreking met mnr. Graham Hopwood, uitvoerende direkteur van die Instituut vir Openbare Beleidsnavorsing (IPPR); mnr. John Nakuta, die media-ombudsman; prof. Eno Akpabio van die skool vir geesteswetenskappe, samelewing en ontwikkeling by die Universiteit van Namibië (Unam); dr. Hugh Ellis, afdelingshoof: joernalistiek en kommunikasietegnologie by die Universiteit van Wetenskap en Tegnologie (Nust); en Jemima Beukes, joernalis en adjunk-sekretaris-generaal van die mediavakbond Nampu aangebied.
Nakuta het veral die politici en wetgewers verkwalik vir hul traagheid om korrupsie te bekamp. Hy sê die Wet op Beskerming van Hokaairoepers is vyf jaar na aanneming nog nie van krag nie en die sloerdery om die wetsontwerp op toegang tot inligting aan te neem, is beide voorbeelde dat wetgewers nie hul volle samewerking gee nie. Hy is ook bekommerd oor die impak wat die regulasies op die rekordhouding van selfoonkommunikasie vanaf volgende jaar op hokaairoepers sal hê.
Nghituwamhata het verseker dat opleiding vir joernaliste binnekort sal plaasvind om die media meer doeltreffend as vennoot in die stryd teen korrupsie in te span.
– [email protected]
Die Teenkorrupsiekommissie van Namibië (ACC) het Maandag Afrika-teenkorrupsiedag saam met die res van die vasteland gevier.
Die Afrika-unie (AU) het 11 Julie as Teenkorrupsiedag in Afrika verklaar. Die ACC het die AU se tema “Strategie en meganismes vir die deursigte bestuur van Covid-19-fondse” herhaal, maar ook beter samewerking met ondersoekende joernaliste benadruk.
Die adjunk-direkteur-generaal van die ACC, adv. Erna van der Merwe, het gesê: “Saam sal ons Namibië 'n toonaangewende voorbeeld van goeie bestuur maak, ’n gebaar wat die res van die deelnemende lande kan nastreef.”
Sy sê die tema van die dag wat handel oor Covid-19-befondsing kom op die regte tyd.
“Geen twyfel bestaan dat korrupsie tydens krisistye floreer nie, en die voortdurende globale pandemie is nie ’n uitsondering nie.
“Gedurende Covid-19 kan die stryd teen korrupsie die verskil tussen lewe en dood beteken; tussen voldoende voedsel en hongerte; tussen ’n dak oor jou kop of om haweloos te wees,” brei sy uit.
“In Namibië het die Teenkorrupsiekommissie nie klagtes van korrupsie wat ondersoek moes word rakende die direkte bestuur van Covid-19-fondse ontvang nie,” het sy gesê.
Die uitvoerende direkteur van gesondheid en maatskaplike dienste, mnr. Ben Nangombe, sê die regering was besig met ’n ramprisikobestuursplan toe die pandemie op 13 Maart 2020 in Namibië uitgebreek het.
Die koste verbonde aan die plan is spoedig onder die regering se aandag gebring en N$727 miljoen is aanvanklik daarvoor begroot.
Verdere skenkings is na die kantoor van die eerste minister in beheer van ’n doelgerigte fonds gestuur, terwyl sy ministerie mediese toerusting en voorraadskenkings behartig het.
“Die verslag wat die aanspreeklikheid vir Covid-19-verwante bedrywighede aandui, is saamgestel en by die ouditeur-generaal se kantoor ingedien,” sê hy.
“Ons het duidelike rekord van verkryging in verband met Covid-19-verwante items en ons kan die verslag voorsien,” voeg hy by.
Die ACC se hoofwoordvoerder, me. Josefina Nghituwamhata, het gesê daar was een geval waar iemand Nangombe se handtekening vervals het. Die persoon het met daardie brief geld probeer insamel. Die ACC se ondersoek is aan die gang om die amptelike stempels op te spoor wat op die vervalsde dokument gebruik is.
“Ja, mense het probeer om misbruik van die krisis te maak en talle voorvalle van vervalste handtekeninge en dokumente het voorgekom,” het Nangombe beaam.
Die ministerie het op drie verskillende geleenthede waarskuwings uitgereik,” het hy gesê.
Volgens hom is diefstal van Covid-19-voorraad by die ministerie by die Namibiese polisie aangemeld.
Ná die amptelike toesprake het die ACC ’n paneelbespreking met mnr. Graham Hopwood, uitvoerende direkteur van die Instituut vir Openbare Beleidsnavorsing (IPPR); mnr. John Nakuta, die media-ombudsman; prof. Eno Akpabio van die skool vir geesteswetenskappe, samelewing en ontwikkeling by die Universiteit van Namibië (Unam); dr. Hugh Ellis, afdelingshoof: joernalistiek en kommunikasietegnologie by die Universiteit van Wetenskap en Tegnologie (Nust); en Jemima Beukes, joernalis en adjunk-sekretaris-generaal van die mediavakbond Nampu aangebied.
Nakuta het veral die politici en wetgewers verkwalik vir hul traagheid om korrupsie te bekamp. Hy sê die Wet op Beskerming van Hokaairoepers is vyf jaar na aanneming nog nie van krag nie en die sloerdery om die wetsontwerp op toegang tot inligting aan te neem, is beide voorbeelde dat wetgewers nie hul volle samewerking gee nie. Hy is ook bekommerd oor die impak wat die regulasies op die rekordhouding van selfoonkommunikasie vanaf volgende jaar op hokaairoepers sal hê.
Nghituwamhata het verseker dat opleiding vir joernaliste binnekort sal plaasvind om die media meer doeltreffend as vennoot in die stryd teen korrupsie in te span.
– [email protected]
Kommentaar
Republikein
Geen kommentaar is op hierdie artikel gelaat nie