Namibiese kunsvlyters leer waardevolle lesse in China

'n Groep Namibiese kunsvlyters het onlangs geïnspireer en vol nuwe idees teruggekeer uit China ná hul deelname aan die 2025 China-Afrika Ekonomiese Handelsekspo in Changsha in die Hunan-provinsie. Danksy die ondersteuning van 'n toelaag van die Namibiese Kunsraad van Namibië het die kunsvlyters hul werk op 'n internasionale verhoog uitgestal waar hul skouers kon skuur met globale kopers, beleggers en mede-kunstenaars. Vir Ingrid Eichas van Eichas Trading CC, was die grootste les die krag van samwerking."Om te sien hoe Afrika- en Chinese besighede saamwerk, het my gewys dat strategiese vennootskappe regtig kan help om klein handelsmerke globaal te help groei," het sy gesê. Eichas beplan om internasionale verspreiders te soek en volhoubare materiale in haar produkte in te sluit, terwyl sy ook haar verpakking wil verbeter en geleenthede vir aanlyn platforms wil ondersoek. Claudia Hangara, stigter van Josephine Leather Works, het weer klem gelê op die vertel van stories. "By die Ekspo het baie besoekers my uitgevra oor die betekenis en storie agter my produkte," vertel Claudia. Vir die toekoms beplan sy om te seker te maak dat elke item wat sy maak, Namibië se kulturele identiteit weerspieël en 'n duidelike doel verteenwoordig. Elisabeth Hangara het haar dank uitgespreek teenoor die Nasionale Kunsraad vir hul voortgesette ondersteuning wat instrumenteel tot haar groei as kunsvlyter en kunstenaar is. "Hul voortgesette borgskap het my gehelp om nuwe geleenthede te kry," het sy gesê. Die veteraan uitstaller Maria de Conceciao, wat vroeër Beijing en Shanghai besoek het, het die ervaring in Changsha as uniek beskryf. "Die ekspo was 'n verrassing. Ons Namibiese stalletjie het uitgestaan en baie mense wat gretig om te sien wat ons bied," het sy trots gesê.Volgens haar is Namibiërs uiters kreatief, maar het nie die nodige hulpbronne om voortgeset aan wêreldmarkte deel te neem nie en het daarom meer ondersteuning van die regering nodig. Die kunsvlyters se ervaring het die geweldige potensiaal van Namibiese kunsvlyt op die wêreldverhoog en die behoefte aan voortgesette belegging in plaaslike talent onderstreep. Kliek op die video link vir meer inligting - Video link: https://www.facebook.com/share/v/14HLkBZKdMf/

Namibiese kunsvlyters leer waardevolle lesse in China

Kommentaar

Republikein 2026-06-19

Meld asseblief aan om kommentaar te lewer

Namibiese kunsvlyters leer waardevolle lesse in China

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.