TotalEnergies vra regering vir versekering voor Venus-belegging
‘Sukses hang af van ’n deursigtige, stabiele vennootskap’
Die Venus-veld, wat meer as 3 000 meter onder seevlak in die Oranjekom geleë is, bevat glo miljarde vate herwinbare olie.
Nuusredaksie – Die uitvoerende hoof van TotalEnergies, Patrick Pouyanné, het aangedui dié Franse energiereus sal nie voortgaan met die ontwikkeling van sy Venus-olievonds aan die kus van Namibië sonder ’n vaste ooreenkoms oor belangrike fiskale en bedryfsterme met die Namibiese regering nie.
In ’n onderhoud met Upstream Maandag het hy beklemtoon die sukses van die ultra-diepwater Venus-projek – wat as een van die wêreld se mees belowende onlangse aflandige ontdekkings beskou word – hang af van ’n deursigtige en stabiele vennootskap met Namibiese owerhede.
“Dit verg twee om te tango,” het Pouyanné gesê.
“Ons moet in pas met die regering wees. Dit beteken om ooreen te kom oor hoe ons kostes gaan deel en risiko’s bestuur.”
WAG OP REGULATORIESE DUIDELIKHEID
TotalEnergies beplan om ’n volledige veldontwikkelingsplan vir die Venus-veld in Blok 2913B voor die einde van 2025 in te dien, met ’n finale beleggingsbesluit (FID) wat voorlopig vir die vierde kwartaal van 2026 vasgestel is.
Verdere beleggings is egter tydelike opgeskort hangende duidelikheid oor ’n reeks fiskale en regulatoriese voorwaardes, insluitend voorwaardes vir kosteverhaling en plaaslike inhoudvereistes.
Namibië se petroleumkommissaris Maggy Shino, wat namens die ministerie van myne en energie gepraat het, het Namibië se verwagting herhaal dat projektydlyne nagekom word terwyl verseker word dat Namibiërs beduidende voordeel uit enige olie-ontwikkeling trek.
As deel van sy ekonomiese bemagtigingsagenda stel die regering voor om die minimum plaaslike eienaarskapdrempel van die huidige 51% tot 60% teen 2030 te verhoog. Namibië beoog ook om 150 miljoen vate olie-ekwivalent teen 2030 te produseer ingevolge sy sesde nasionale ontwikkelingsplan (NDP6).
Pouyanné het egter gesê dat oordrewe, aggressiewe fiskale eise die projek se lewensvatbaarheid kan ondermyn.
“Ons wil nie ’n projek van stapel stuur as die produksiekoste te hoog is nie. As die gelykbreekpunt meer as US$20 per vat is, word dit baie moeilik,” het hy gemaan.
INGEWIKKELDE PROJEK, HOë RISIKO’S
Die Venus-veld, wat meer as 3 000 meter onder seevlak in die Oranjekom geleë is, bevat glo miljarde vate herwinbare olie.
TotalEnergies besit ’n belang van 45,25% in die blok, saam met QatarEnergy (30%), Impact Oil & Gas (20,75%) en die Nasionale Petroleumkorporasie van Namibië (Namcor) met 10%.
Shell se onlangse onttrekking aan die naburige PEL 39 – ná ’n afskrywing van US$400 miljoen op sy Graff- en Jonker-vondste – het die kommersiële en geologiese uitdagings van buitelandse eksplorasie in Namibië se diep waters beklemtoon.
Ten spyte van die risiko’s het Pouyanné vertroue uitgespreek in TotalEnergies se tegniese kapasiteit om die Venus-veld te ontwikkel.
BELEGGING IN PLAASLIKE VAARDIGHEDE
Pouyanné het beklemtoon TotalEnergies is van voorneme om langtermyn-, wedersyds voordelige vennootskappe in Namibië te bou.
Onder die voorstelle is die stigting van ’n nasionale petroleumopleidingsinstituut – soortgelyk aan ’n inisiatief in Uganda – om plaaslike vaardighede en kapasiteit te help ontwikkel.
“Dit gaan nie net oor olie nie. Dit gaan oor vaardighede, werksgeleenthede en langtermynvennootskappe,” het hy gesê.
Die maatskappy het reeds begin om plaaslike verskaffers en diensverskaffers te betrek ter voorbereiding van die projek se volgende fase.
Met Shell wat terugtree en Galp Energia se Mopane-prospektering wat steeds geëvalueer word, word die Venus-vonds toenemend gesien as kern tot Namibië se ambisies om teen die einde van die dekade ’n kommersiële olieproduserende nasie te word.
Indien dit ten volle ontwikkel word, kan die veld tot 200 000 vate olie per dag lewer via ’n drywende produksie-, bergings- en aflaai- (FPSO)-vaartuig – wat dit moontlik een van Afrika se grootste nuwe olieprojekte kan maak.
– [email protected]
In ’n onderhoud met Upstream Maandag het hy beklemtoon die sukses van die ultra-diepwater Venus-projek – wat as een van die wêreld se mees belowende onlangse aflandige ontdekkings beskou word – hang af van ’n deursigtige en stabiele vennootskap met Namibiese owerhede.
“Dit verg twee om te tango,” het Pouyanné gesê.
“Ons moet in pas met die regering wees. Dit beteken om ooreen te kom oor hoe ons kostes gaan deel en risiko’s bestuur.”
WAG OP REGULATORIESE DUIDELIKHEID
TotalEnergies beplan om ’n volledige veldontwikkelingsplan vir die Venus-veld in Blok 2913B voor die einde van 2025 in te dien, met ’n finale beleggingsbesluit (FID) wat voorlopig vir die vierde kwartaal van 2026 vasgestel is.
Verdere beleggings is egter tydelike opgeskort hangende duidelikheid oor ’n reeks fiskale en regulatoriese voorwaardes, insluitend voorwaardes vir kosteverhaling en plaaslike inhoudvereistes.
Namibië se petroleumkommissaris Maggy Shino, wat namens die ministerie van myne en energie gepraat het, het Namibië se verwagting herhaal dat projektydlyne nagekom word terwyl verseker word dat Namibiërs beduidende voordeel uit enige olie-ontwikkeling trek.
As deel van sy ekonomiese bemagtigingsagenda stel die regering voor om die minimum plaaslike eienaarskapdrempel van die huidige 51% tot 60% teen 2030 te verhoog. Namibië beoog ook om 150 miljoen vate olie-ekwivalent teen 2030 te produseer ingevolge sy sesde nasionale ontwikkelingsplan (NDP6).
Pouyanné het egter gesê dat oordrewe, aggressiewe fiskale eise die projek se lewensvatbaarheid kan ondermyn.
“Ons wil nie ’n projek van stapel stuur as die produksiekoste te hoog is nie. As die gelykbreekpunt meer as US$20 per vat is, word dit baie moeilik,” het hy gemaan.
INGEWIKKELDE PROJEK, HOë RISIKO’S
Die Venus-veld, wat meer as 3 000 meter onder seevlak in die Oranjekom geleë is, bevat glo miljarde vate herwinbare olie.
TotalEnergies besit ’n belang van 45,25% in die blok, saam met QatarEnergy (30%), Impact Oil & Gas (20,75%) en die Nasionale Petroleumkorporasie van Namibië (Namcor) met 10%.
Shell se onlangse onttrekking aan die naburige PEL 39 – ná ’n afskrywing van US$400 miljoen op sy Graff- en Jonker-vondste – het die kommersiële en geologiese uitdagings van buitelandse eksplorasie in Namibië se diep waters beklemtoon.
Ten spyte van die risiko’s het Pouyanné vertroue uitgespreek in TotalEnergies se tegniese kapasiteit om die Venus-veld te ontwikkel.
BELEGGING IN PLAASLIKE VAARDIGHEDE
Pouyanné het beklemtoon TotalEnergies is van voorneme om langtermyn-, wedersyds voordelige vennootskappe in Namibië te bou.
Onder die voorstelle is die stigting van ’n nasionale petroleumopleidingsinstituut – soortgelyk aan ’n inisiatief in Uganda – om plaaslike vaardighede en kapasiteit te help ontwikkel.
“Dit gaan nie net oor olie nie. Dit gaan oor vaardighede, werksgeleenthede en langtermynvennootskappe,” het hy gesê.
Die maatskappy het reeds begin om plaaslike verskaffers en diensverskaffers te betrek ter voorbereiding van die projek se volgende fase.
Met Shell wat terugtree en Galp Energia se Mopane-prospektering wat steeds geëvalueer word, word die Venus-vonds toenemend gesien as kern tot Namibië se ambisies om teen die einde van die dekade ’n kommersiële olieproduserende nasie te word.
Indien dit ten volle ontwikkel word, kan die veld tot 200 000 vate olie per dag lewer via ’n drywende produksie-, bergings- en aflaai- (FPSO)-vaartuig – wat dit moontlik een van Afrika se grootste nuwe olieprojekte kan maak.
– [email protected]
Kommentaar
Republikein
Geen kommentaar is op hierdie artikel gelaat nie