Sekelduin-substasie beproef jongste tegnologie

Die ontwikkeling van ’n nuwe kragsubstasie net buite Swakopmund sal na verwagting as bewys dien van die nasionale kragverskaffer, NamPower, se vertroue in die jongste tegnologie. Die firma Atcom Energy Namibia, wat Vrydag ’n tender van N$100 miljoen ontvang het vir dié ontwikkeling, sal voorsiening maak vir beide die tradisionele kabelnetwerk en ’n optiese veselnetwerk waarmee hierdie substasie op ’n afstand gemonitor en beheer kan word.“Normaalweg het jy twee drade per skakel – een aan en een af – maar hierdie substasie gaan die drade hê asook ’n optiese vesel-skakel. Dit sal NamPower se vertroue in hierdie soort tegnologie versterk voor hy dan volkome kan oorskakel,” het Atcom se algemene bestuurder, Struan Steele gesê. Steele sê die gebruik van optiese vesel sal tot gevolg hê dat tegnici nie fisies tot by kragsubstasies hoef te gaan om dit te monitor of beheer nie, en voeg by dit is ook meer kostedoeltreffend as ’n tradisionele kabelnetwerk. “Dit verg minder onderhoud, is vinniger en makliker om te beheer en, as jy die koste van al daardie kabelwerk in ag neem, is dit ook goedkoper as die tradisionele manier,” het hy gesê. Hierdie 132/66/33 kV-substasie vorm deel van NamPower se meesterplan vir transmissie en sal volgens die kragverskaffer se besturende direkteur, Simson Haulofu, voorsiening maak vir ErongoRED se elektristiteitsvraag in die lig van dié streek se planne vir sosioëkonomiese ontwikkeling. Die kragsubstasie sal na verwagting voorsiening maak vir die Swakopmund- en Tamarisk-substasie asook NamWater en die Husabmyn. ErongoRED sal ook hiervandaan elektrisiteit ontvang vir verdere verspreiding. ACTOMActom Energy Namibia is die Namibiese tak van die Suid-Afrikaanse maatskappy Actom Electrical Products. Hierdie maatskappy het volgens Steele ’n jaarlikse omsetsyfer van ongeveer R10 miljard. Steele verduidelik Actom het beperkte ervaring in projekte wat hy op sy eie aangepak het, maar voeg by Actom het toerusting verskaf vir die Trekkopje-substasie, die Omburu-aanleg en die Khan-sonkragaanleg. Hy sê Actom is van plan om plaaslike subkontrakteurs sovêr moontlik te bemagting deur die Sekelduin-projek. “Ons wil dit sovêr moontlik lokaliseer, maar Suid-Afrikaanse kundigheid gebruik,” het hy gesê. Die Sekelduin-kragsubstasie sal na verwagting teen Februarie 2025 voltooi wees. - irene@republikein.com.na

Sekelduin-substasie beproef jongste tegnologie

Kommentaar

Republikein 2026-02-03

Meld asseblief aan om kommentaar te lewer

Sekelduin-substasie beproef jongste tegnologie

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.