Petrolprys styg Woensdag
Die petrolprys skiet Woensdag 1 Maart met N$1,50 op, luidens ’n mediavrystelling deur die ministerie van myne en energie. In Walvisbaai sal ’n liter petrol jou oormôre N$19,78 kos. Dieselpryse bly vir tyd en wyl onveranderd en bly dus N$20,65 per liter in Walvisbaai.
Die ministerie maan egter moeilike tye kan dalk voorlê. Dit weens verwagte onstabiliteit in die internasionale mark. Die prysverhoging dié week is te wyte aan die verswakking van die waarde van die Namibiese dollar teenoor die Amerikaanse dollar. In Januarie was die wisselkoers N$17,08 teenoor een Amerikaanse dollar, maar teen 21 Februarie was US$1 gelykstaande aan N$17,77. Dit was genoeg om verbetering in die internasionale dieselprys, vanaf US$118,47 af na US$108,04 per vat, uit te skakel. Met die petrolprys wat in dieselfde tydperk vanaf US$99,86 na US$100,04 geklim het, moet die prys volgens die ministerie nou opgaan.
Die ministerie maan egter moeilike tye kan dalk voorlê. Dit weens verwagte onstabiliteit in die internasionale mark. Die prysverhoging dié week is te wyte aan die verswakking van die waarde van die Namibiese dollar teenoor die Amerikaanse dollar. In Januarie was die wisselkoers N$17,08 teenoor een Amerikaanse dollar, maar teen 21 Februarie was US$1 gelykstaande aan N$17,77. Dit was genoeg om verbetering in die internasionale dieselprys, vanaf US$118,47 af na US$108,04 per vat, uit te skakel. Met die petrolprys wat in dieselfde tydperk vanaf US$99,86 na US$100,04 geklim het, moet die prys volgens die ministerie nou opgaan.
Kommentaar
Republikein
Geen kommentaar is op hierdie artikel gelaat nie