Otjikoto se toekoms skitter

Die Kanadese mynbouer B2Gold het verlede week produksieresultate vir die derde kwartaal van 2023 aangekondig, en gesê sy Otjikoto-goudmyn in Namibië het weer eens verwagtinge oortref. Die goudmyn wat tussen Otavi en Otjiwarongo geleë is, het vir die betrokke drie maande 44 940 onse goud tot B2Gold se totale produksie bygedra, insluitend goud uit die hoëgraad erts van die ondergrondse Wolfshag-uitbreiding.Volgens B2Gold is al sy bedrywighede op koers om produksieverwagtinge te bereik of te oortref. Dit sluit in die Masbate-myn in die Filippyne, die Fekola-myn in Mali, en die opbrengs van sy Calibre-vennootskap in Nicaragua. Altesaam 242 838 onse goud is ontgin, en die groep verwag om ten minste een miljoen onse vanjaar die produseer. In die derde kwartaal is dividende van vier Amerikaanse sent per aandeel toegeken en op 29 September het die maatskappy altesaam US$45 miljoen in dividende uitbetaal.Verder in terme van Otjikoto se prestasie is 860 000 ton erts deur die meule gesit, met ’n herwinningskoers van 98,4% goud. Gedurende die betrokke tydperk het die oopgroefmyn fase 5 se helling ingesak en dit het die heropbou van die helling (ramp) vereis. Die maatskappy verwag egter geen negatiewe impak op vanjaar se verwagte produksiesyfers nie, volgens die verklaring wat op 8 November uitgereik is.B2Gold verwag om volgende jaar bedrywighede in die oopgroefmyn te verminder en teen 2025 heeltemal te staak. Produksie sal egter tot 2031 voortduur, in terme van voorraad wat geberg word, en opbrengs vanaf die Wolfshag- ondergrondse operasie wat verwag word om tot 2026 voort te duur. Wolfshag spog met verwagte reserwes van 203 000 onse in 1,1 miljoen ton erts. Voortdurende eksplorasie mag egter suksesvol wees en sou tot dié reserwes kan bydra.Die kapitaaluitgawes vir die drie maande is altesaam sowat US$13 miljoen, met US$9 miljoen vir toekomstige uitgrawe van hellings (sloping) van die oopgroefmyn, en US$3 miljoen vir verdere ontwikkeling van Wolfshag ondergronds. Die bedryfskoste vir die tydperk was laer as wat verwag is, teen US$785 per ons goud vervaardig. Die volledige koste vir die jaar is ook steeds laer as wat verwag is, sê B2Gold rakende die Otjikoto-myn. Na verwagting sal Otjikoto vir die hele jaar tussen 190 000 en 210 000 onse goud lewer, volgens B2Gold. – augetto@republikein.com.na

Otjikoto se toekoms skitter

Kommentaar

Republikein 2026-04-13

Meld asseblief aan om kommentaar te lewer

Otjikoto se toekoms skitter

Kommentaar

Republikein 2026-04-13

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.