Otjikoto maak reg vir werksverliese
Werkers kry berading, ekstra opleiding
Bedrywighede by die myn se verwerkingsaanleg sal waarskynlik nog tot 2031 voortduur soos laegraaderts wat op die myn geberg word, deur die meule gesit sal word.
Die bestuur van B2Gold se Otjikoto-goudmyn beplan om ná die eerste kwartaal van 2024 tot sowat ’n derde van sy bykans 1 000 werknemers af te lê
’n Verdere drastiese vermindering in werksgeleenthede sal in 2025 volg, wanneer mynbou in die oopgroefmyn heeltemal opgeskort mag word. Bedrywighede in die ondergrondse Wolfshag-uitbreiding word verwag om ook in 2026 tot ’n einde te loop.
Otjikoto se algemene bestuurder, Eric Barnard, het verlede week hieroor uitgebrei gedurende ’n mediageleentheid waar top- B2Gold-beamptes, soos Bill Lytle, senior adjunkpresident en hoofbedryfsbeampte, uit Kanada Namibië besoek het.
B2Gold Namibia se raadsvoorsitter, dr. Leake Hangala, het gesê daar is amper nie meer gouderts by die myn om te ontgin nie.
Dit kom egter nie as ’n verrassing nie, aangesien B2Gold reeds aangekondig het dat voorbereidings reeds getref word om die myn uiteindelik te sluit.
Bedrywighede by die verwerkingsaanleg sal waarskynlik nog tot 2031 voortduur soos laegraaderts wat op die myn geberg word, deur die meule gesit sal word, volgens Barnard.
Hangala se toespraak het afgeskop met die eerste goudproduksie in Februarie 2013. Kommersiële produksie is egter eers in April 2014 bereik, brei hy uit.
“Dit was ’n reusebelegging, meer as US$300 miljoen, amper US$400 miljoen. Ons het sowat 900 mense direk in diens geneem, indirek sowat 1 000 of so, ons voel ons het tot die ekonomie bygedra en ons is uiters trots daarop.”
Die myn het oor die jare reeds N$19,5 miljard tot die plaaslike ekonomie bygedra, insluitend sowat N$1,1 miljard in belasting, uit inkomste van sowat N$7 miljard in 2023. Korporatiewe sosiale beleggings vanaf die Otjikoto-myn beloop sowat N$26 miljoen, insluitend N$14 miljoen vir die nuwe Ombili Primêre Skool in Otjiwarongo, is van die inligting wat tydens die geleentheid gedeel is.
“Die Otjikoto-myn word 90% deur B2Gold besit en baie van die gesigte wat julle hier sien is van Kanada, en hulle het vandag hier aangekom. Hulle het gekom omdat hierdie myn deur Namibiërs bestuur word, van die grond af op,” het Hangala ook gesê.
John Roos, die streekbestuurder vir B2Gold Namibia, en het gesê: “Mense geniet dit om vir B2Gold te werk. Ons werknemers bly gemiddeld sowat ses en ’n half jaar by ons, wat in die mynbedryf merkwaardig is. Tog moet ons anders dink en besef die myn moet eendag sluit. Ons beskerm die nalatenskap vir almal wat vir so ’n uitsonderlike onderneming soos B2Gold Namibia werk.”
Dit is hoekom die myn se menslikehulpbron-departement reeds met berading begin het om werknemers voor te berei vir die lewe na die sluiting van die myn, voeg hy by.
Opleiding oor finansiële geletterdheid word verskaf aan werknemers wat met groot skuld sit, gesondheidsambassadeurs is uitgeken, ’n welstandspan is saamgestel en lede van elke portuurgroep kry ondersteuning, sê hy.
Verder word uitgebreide opleiding gebied, asook hulp en toelaes om werknemers se vaardighede te verbeter, voeg hy by.
Die myn is ook ’n voorloper op die gebied om sonkrag in te span vanaf die Otjikoto-sonkragaanleg, wat reeds in 13% van die myn se kragbehoeftes voorsien.
Volgende jaar word die aanleg uitgebrei tot 10 megawatt (MW) en dan sal tot 39% van die myn en aanleg se kragtoevoer “groen” wees, het Roos gesê.
Die Otjikoto-myn stel ook ’n voorbeeld in terme van deurlopende besparings en voorbereidings om die omgewing te rehabiliteer, asook die voorsiening van voedsel met graan en inheemse plante van naburige kommersiële plase en ’n natuurreservaat wat B2Gold gevestig het.
– [email protected]
’n Verdere drastiese vermindering in werksgeleenthede sal in 2025 volg, wanneer mynbou in die oopgroefmyn heeltemal opgeskort mag word. Bedrywighede in die ondergrondse Wolfshag-uitbreiding word verwag om ook in 2026 tot ’n einde te loop.
Otjikoto se algemene bestuurder, Eric Barnard, het verlede week hieroor uitgebrei gedurende ’n mediageleentheid waar top- B2Gold-beamptes, soos Bill Lytle, senior adjunkpresident en hoofbedryfsbeampte, uit Kanada Namibië besoek het.
B2Gold Namibia se raadsvoorsitter, dr. Leake Hangala, het gesê daar is amper nie meer gouderts by die myn om te ontgin nie.
Dit kom egter nie as ’n verrassing nie, aangesien B2Gold reeds aangekondig het dat voorbereidings reeds getref word om die myn uiteindelik te sluit.
Bedrywighede by die verwerkingsaanleg sal waarskynlik nog tot 2031 voortduur soos laegraaderts wat op die myn geberg word, deur die meule gesit sal word, volgens Barnard.
Hangala se toespraak het afgeskop met die eerste goudproduksie in Februarie 2013. Kommersiële produksie is egter eers in April 2014 bereik, brei hy uit.
“Dit was ’n reusebelegging, meer as US$300 miljoen, amper US$400 miljoen. Ons het sowat 900 mense direk in diens geneem, indirek sowat 1 000 of so, ons voel ons het tot die ekonomie bygedra en ons is uiters trots daarop.”
Die myn het oor die jare reeds N$19,5 miljard tot die plaaslike ekonomie bygedra, insluitend sowat N$1,1 miljard in belasting, uit inkomste van sowat N$7 miljard in 2023. Korporatiewe sosiale beleggings vanaf die Otjikoto-myn beloop sowat N$26 miljoen, insluitend N$14 miljoen vir die nuwe Ombili Primêre Skool in Otjiwarongo, is van die inligting wat tydens die geleentheid gedeel is.
“Die Otjikoto-myn word 90% deur B2Gold besit en baie van die gesigte wat julle hier sien is van Kanada, en hulle het vandag hier aangekom. Hulle het gekom omdat hierdie myn deur Namibiërs bestuur word, van die grond af op,” het Hangala ook gesê.
John Roos, die streekbestuurder vir B2Gold Namibia, en het gesê: “Mense geniet dit om vir B2Gold te werk. Ons werknemers bly gemiddeld sowat ses en ’n half jaar by ons, wat in die mynbedryf merkwaardig is. Tog moet ons anders dink en besef die myn moet eendag sluit. Ons beskerm die nalatenskap vir almal wat vir so ’n uitsonderlike onderneming soos B2Gold Namibia werk.”
Dit is hoekom die myn se menslikehulpbron-departement reeds met berading begin het om werknemers voor te berei vir die lewe na die sluiting van die myn, voeg hy by.
Opleiding oor finansiële geletterdheid word verskaf aan werknemers wat met groot skuld sit, gesondheidsambassadeurs is uitgeken, ’n welstandspan is saamgestel en lede van elke portuurgroep kry ondersteuning, sê hy.
Verder word uitgebreide opleiding gebied, asook hulp en toelaes om werknemers se vaardighede te verbeter, voeg hy by.
Die myn is ook ’n voorloper op die gebied om sonkrag in te span vanaf die Otjikoto-sonkragaanleg, wat reeds in 13% van die myn se kragbehoeftes voorsien.
Volgende jaar word die aanleg uitgebrei tot 10 megawatt (MW) en dan sal tot 39% van die myn en aanleg se kragtoevoer “groen” wees, het Roos gesê.
Die Otjikoto-myn stel ook ’n voorbeeld in terme van deurlopende besparings en voorbereidings om die omgewing te rehabiliteer, asook die voorsiening van voedsel met graan en inheemse plante van naburige kommersiële plase en ’n natuurreservaat wat B2Gold gevestig het.
– [email protected]
Kommentaar
Republikein
Geen kommentaar is op hierdie artikel gelaat nie