Onduidelikheid oor litiumertsuitvoere
Onsekerheid heers oor die duisende tonne litiumerts wat die Chinese mynbouer Xinfeng Investments op Walvisbaai berg.
Dit nadat president Hage Geingob die wêreld dié week in Europa ingelig het dat Namibië nie meer rou minerale sal uitvoer nie.
Intussen gaan die hofstryd tussen die minister van myne en energie, Tom Alweendo, en Xinfeng met betrekking tot die litiummyn buite Omaruru se mynlisensie volgende Donderdag voort.
Xinfeng het voorheen daarin geslaag om Alweendo se poging te stuit om die Kohero-mynlisensie (nommer 243) te herroep. Dit ná regter Ramon Maasdorp se beslissing dat die minister nie die gesag het tensy hy eers die howe genader het nie.
Maasdorp het egter ook bevind daar is wel ʼn saak vir die bewering dat Xinfeng bedrog gepleeg het met sy aanvanklike aansoek vir die mynlisensie.
Xinfeng se Reël 76(6)-aansoek sal volgende week aangehoor word, waarin die mynmaatskappy se regsverteenwoordiger, Nambili Mhata, die ministerie versoek om relevante dokumente bekend te maak.
Intussen het Republikein berig dat Xinfeng se vloot vragmotors weer groot hoeveelhede litiumerts deur Omaruru na die kus begin vervoer het.
Die mynboukommissaris, Isabella Kandjii-Chirchir, het op 19 Oktober aan die hoof van die Namibiese polisie (Nampol), inspekteur-generaal Joseph Shikongo, geskryf om te vra dat geen vragmotors met litiumerts toegelaat moet word om na die hawe te ry nie. Nampol is gevra om die vragmotors terug na die myn te stuur.
“Let wel dat Xinfeng Investments nie die vervoerpermit, of die uitvoerpermit besit om litium uit te voer nie. Dus word hulle nie toegelaat om enige materiaal vanaf hul myn na enige bestemming binne of buite Namibië te vervoer nie,” het die kommissaris geskryf.
Hoewel die vorige hofbeslissing steeds Xinfeng toelaat om voort te gaan met mynbedrywighede buite Omaruru, is geen toestemming gegee om die erts uit te voer nie, hou sy vol.
Die staat se plaaslike dagblad het dié week berig dat ’n geskatte sowat 19 000 ton litiumerts by Walvisbaai se hawe gestoor word. Daar word ook berig dat die skip om die erts na China te vervoer volgende week in die hawe verwag word.
Xinfeng het ook ’n oopgroefmyn buite Uis op mynboukleims 73409 en 73418 suid van die Brandberg, en volgens Kandjii-Chirchir mag Xinfeng slegs permitte in die naam van Long Fire Investment verkry om enige minerale daarvandaan te vervoer, maar nie vanaf die Kohero-myn buite Omaruru nie.
“Geen vragmotor wat onverwerkte gebreekte litiumerts vervoer behoort die mynperseel (buite Omaruru) te verlaat nie,” het sy aan die polisie geskryf.
– [email protected]
Dit nadat president Hage Geingob die wêreld dié week in Europa ingelig het dat Namibië nie meer rou minerale sal uitvoer nie.
Intussen gaan die hofstryd tussen die minister van myne en energie, Tom Alweendo, en Xinfeng met betrekking tot die litiummyn buite Omaruru se mynlisensie volgende Donderdag voort.
Xinfeng het voorheen daarin geslaag om Alweendo se poging te stuit om die Kohero-mynlisensie (nommer 243) te herroep. Dit ná regter Ramon Maasdorp se beslissing dat die minister nie die gesag het tensy hy eers die howe genader het nie.
Maasdorp het egter ook bevind daar is wel ʼn saak vir die bewering dat Xinfeng bedrog gepleeg het met sy aanvanklike aansoek vir die mynlisensie.
Xinfeng se Reël 76(6)-aansoek sal volgende week aangehoor word, waarin die mynmaatskappy se regsverteenwoordiger, Nambili Mhata, die ministerie versoek om relevante dokumente bekend te maak.
Intussen het Republikein berig dat Xinfeng se vloot vragmotors weer groot hoeveelhede litiumerts deur Omaruru na die kus begin vervoer het.
Die mynboukommissaris, Isabella Kandjii-Chirchir, het op 19 Oktober aan die hoof van die Namibiese polisie (Nampol), inspekteur-generaal Joseph Shikongo, geskryf om te vra dat geen vragmotors met litiumerts toegelaat moet word om na die hawe te ry nie. Nampol is gevra om die vragmotors terug na die myn te stuur.
“Let wel dat Xinfeng Investments nie die vervoerpermit, of die uitvoerpermit besit om litium uit te voer nie. Dus word hulle nie toegelaat om enige materiaal vanaf hul myn na enige bestemming binne of buite Namibië te vervoer nie,” het die kommissaris geskryf.
Hoewel die vorige hofbeslissing steeds Xinfeng toelaat om voort te gaan met mynbedrywighede buite Omaruru, is geen toestemming gegee om die erts uit te voer nie, hou sy vol.
Die staat se plaaslike dagblad het dié week berig dat ’n geskatte sowat 19 000 ton litiumerts by Walvisbaai se hawe gestoor word. Daar word ook berig dat die skip om die erts na China te vervoer volgende week in die hawe verwag word.
Xinfeng het ook ’n oopgroefmyn buite Uis op mynboukleims 73409 en 73418 suid van die Brandberg, en volgens Kandjii-Chirchir mag Xinfeng slegs permitte in die naam van Long Fire Investment verkry om enige minerale daarvandaan te vervoer, maar nie vanaf die Kohero-myn buite Omaruru nie.
“Geen vragmotor wat onverwerkte gebreekte litiumerts vervoer behoort die mynperseel (buite Omaruru) te verlaat nie,” het sy aan die polisie geskryf.
– [email protected]
Kommentaar
Republikein
Geen kommentaar is op hierdie artikel gelaat nie