Olieberaad vind in Augustus plaas

Nuusredaksie – Die land se tweede olie- en gasberaad sal na verwagting vanjaar selfs meer deelnemers lok as die 800 afgevaardigdes en die 300 ondernemings wat verlede jaar teenwoordig was.Namibië se tweede olie- en gasberaad word vanaf 20 tot 22 Augustus by die Mercure-hotel in die hoofstad aangebied. Die Namibiese Raad vir die Bevordering van Beleggings en Ontwikkeling (NIPDB), die Ekonomiese Vereniging van Namibië (EAN), die Hanns Seidel-stigting en die Namibiese staatsbeheerde oliemaatskappy, Namco, reël die beraad in samewerking met die ministerie van myne en energie.Vanjaar se tema is “Die volgende stappe nader aan ’n welvarende olie- en gasnywerheid”. “Kom ons vul die inligtingsgaping. Ons moet bymekaar kom (network). Kom ons neem deel,” het die EAN se voorsitter, Jason Kasuto, by gister se geleentheid gesê.Volgens hom word meer as 70 kundiges na die beraad genooi om toesprake te lewer en verskeie aktiwiteite en geleenthede word gereël om idees en strategieë te deel om te verseker dat die olie- en gasbeleggings ontwikkeling bring waarby die res van die land kan baat. Dit sluit ekonomiese groei, volhoubare waardekettings, werksgeleenthede en die verbetering van die lewensomstandighede van Namibië se mense in.Praktiese stappe sal ook by die beraad bespreek word om Namibië te help om sy potensiaal in olie en gas te omskep in ekonomiese groei en ontwikkeling vir die land.NIPDB se uitvoerende hoof, Nangula Uaandja, het ook tydens die geleentheid beklemtoon dat hulle geleenthede vir belegging wil skep, maar dat daardie beleggingsgeleenthede inklusiewe ekonomiese groei teweeg moet bring.“In die verlede was daar ’n hele paar jaar in Namibië waar ons ekonomiese groei ervaar het, maar daardie ekonomiese groei was nie inklusief nie. “Namibië bly die tweede mees ongelyke land ter wêreld. Wanneer ons belê in sektore wat kapitaalintensief is, is dit baie maklik vir ons om na getalle te kyk in terme van die bruto binnelandse produk (BBP) sowel as ekonomiese groei.“Ons moet doelgerig wees en verseker dat wanneer ons agendas van ekonomiese groei dryf, ons dit in lyn bring met ons doel,” sê sy. Verder lê sy klem op vennootskap en die prioriteit om Namibiese toe te laat om aan die nuwe olie- en gasbedrywe deel te neem.– republikein@republikein.com.na

Olieberaad vind in Augustus plaas

Kommentaar

Republikein 2026-05-05

Meld asseblief aan om kommentaar te lewer

Olieberaad vind in Augustus plaas

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.