Nuwe paaie verbied na beplande tinmyn

Die omgewingsimpakstudie (EIA) vir ’n voorgestelde tinmyn in die Khorixas-distrik stel dit duidelik dat geen nuwe paaie gebou sal word nie weens die ekologiese sensitiwiteit van die gebied.Die kleims vir dié myn, wat aan Timoteus Mashunga geregistreer is, was verlede naweek die fokus van ’n dringende aansoek in die hoërhof waarna ’n interdik uitgereik is om die bedrywighede te staak.Ultimate Safaris, en die bewaringsgebiede Sorris Sorris, Doro !Nawas en Uibasen Twyfelfontein het die aansoek gebring nadat die partye bewus geword het van ’n pad – glo die grootte van ’n distrikpad – wat in die gebied gebou word.Die gebied waar Mashunga se mynkleims vir onedel- en skaarsmetale, nywerheidsminerale, en edel- en halfedelstene geregistreer is, is ’n gesamentlike bestuursgebied tussen die drie bewaringsgebiede, terwyl afsonderlike gesamentlike ooreenkomste met Ultimate Safaris en die bewaringsgebiede in plek is. ALTERNATIEWE ROETEVolgens die EIA is die kleims ongeveer 58 km noordwes van Uis en 70 km suidwes van Khorixas, in die Kunenestreek, geleë. Dit sluit glo ’n oppervlak van ongeveer 108,9231 hektaar in wat binne die Sorris Sorris-bewaringsgebied geleë is. Volgens die EIA is die kleims toeganklik via ’n spoor vanuit die D2612-pad wat met die C35-pad tussen Uis en Khorixas bereik kan word.Die EIA-verslag het ook ’n alternatiewe roete voorgestel wat suid van die beoogde terrein vir die mynprojek geleë is. Dit stel voor dat voertuie deur die Goantagabrivier ry om met die C35-pad verbind te word. “So ’n pad kan op ’n tydelike basis gebruik word omdat dit swaar vragmotors kan akkommodeer veral tydens die beweging van masjinerie en swaar myntoerusting.”Die verslag verbied egter die bou van nuwe paaie in die gebied.“Weens die ekologiese sensitiwiteit van die gebied sal daar geen nuwe paaie gebou word nie,” lui die EIA-verslag, wat partye verder aanmoedig om saam te werk om ’n middeweg tussen toerisme en die beplande klein- tot mediumskaalse mynbouprojek te vind. MYNBEDRYWIGHEDEVolgens die EIA dui die historiese geologiese inligting dat die gebied waar die kleims geleë is, ryk is aan tinerts. Daar is ook ’n minimale voorkoms van sink, lood en koper in die gebied. Die beplande mynbedrywighede sluit ’n oopgroefmynmetode in om die minirale te ontgin en ’n selektiewe mynbenadering om te verseker dat hoëgraadse erts ontgin en die ontginning van laegraaderts beperk word.“Ongeveer 1 000 ton tinerts sal ontgin, gesorteer en in 1 ton-sakke verpak word. Dit sal op vragmotors gelaai word vir verskeping via die hawe van Walvisbaai na internasionale markte soos Kanada,” lui die verslag. Die beoogde projek sal glo ’n groot ekonomiese impak hê en sal ongeveer 150 mense in diens neem.– republikein@republikein.com.na

Nuwe paaie verbied na beplande tinmyn

Kommentaar

Republikein 2025-12-19

Meld asseblief aan om kommentaar te lewer

Nuwe paaie verbied na beplande tinmyn

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.