Nóg uraan by Khan-projek ontdek

Madison Metals het Maandag die ontdekking van nog uraan in boorgat KM5RC003 aangekondig, waar sterk uraanmineralisasie op dieptes van 45 m en weer op 148 m raakgeboor is.Daar is eers 1,36% U3O8 op 45 m gevind en daarna is monsters met 1,54% uraan dieper raakgeboor. Die tweede ontdekking word spesifiek in die aankondiging beskryf as ’n beduidende uraanmineralisasie.Dié Australiese genoteerde maatskappy het die ontdekking gemaak op sy Khan-projek, wat binne sy Madison-West- eksklusiewe prospekteerlisensie EPL 8905 en sy mynlisensiegebied ML86A geleë is. Dit is onmiddellik suidwes van die langste aaneenlopende uraanmynoperasie in Namibië, Rössing, en wes van Namibië se grootste uraanmyn, Swakop Uranium se Husab-myn geleë.Madison Metals noem die ontdekking indrukwekkend en sê nog chemiese toetse en geologiese ondersoeke sal volg.“Die mineralisasie is oop in alle rigtings en vereis bykomende boorwerk om die grootte en geometrie te bepaal,” lui die verklaring.Verdere boorwerk word ook beplan binne die slootgebied TR003, waar die jongste ontdekking gemaak is, en in die nabygeleë beplande loopgrawe TR004 en TR005.Reeds in Februarie vanjaar het Madison Metals groot sukses by die Khan-projek aangekondig, toe oppervlakmonsters met tot 8,47% U3O8 gevind is.“Madison se uraan-ontdekking by Khan toon ’n graad gelykstaande aan bekende neerslae in Niger en die Athabasca-kom, met duidelike voordele.“Die voordele sluit in dat die Khan-ontdekking van oppervlakmonsters verkry is, binne vragmotorafstand van ’n bestaande verwerkingsfasiliteit is, op ’n gelisensieerde mynterrein geleë is, en vereis minimale kapitaal om produksie te bespoedig,” het Duane Parnham, die uitvoerende voorsitter van Madison Metals, destyds gesê.“Hierdie strategiese kombinasie gee ons ’n hupstoot op ons pad om onmiddellike kontantvloei te genereer, wat ons verbintenis tot aandeelhouerswaarde versterk, en plaas Madison op ’n direkte pad om die volgende sleutelspeler in die uraanmark te word,” het hy bygevoeg.– augetto@republikein.com.na

Nóg uraan by Khan-projek ontdek

Kommentaar

Republikein 2025-06-18

Meld asseblief aan om kommentaar te lewer

Nóg uraan by Khan-projek ontdek

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie