Namibië soek krag vir Afrika
Energieberaad tans in Windhoek
Die regte kragbronmengsel kan Afrika se energie-armoede iets van die verlede maak, sê die minister van myne en energie.
Die Namibië Internasionale Energieberaad word vandag by Droombos net buite Windhoek voortgesit.
Gister, gedurende die opening van die vierde beraad sedert sy ontstaan in 2012, het die minister van myne en energie mnr. Tom Alweendo, gesê Afrika is arm in terme van energie.
Namibië is toegewyd om dié energie-armoede op die vasteland teen 2030 uit te wis, sê hy.
“Die kwessie van energie vir Afrika is duidelik, ons het dit nie, en waar ons dit het, is daar nie genoeg nie. Sonder energie kan daar nie industrialisering en vooruitgang plaasvind nie. Energie is op almal se lippe met tot 600 miljoen mense op die vasteland wat nie toegang tot elektrisiteit het nie. Die vasteland gebruik so veel krag soos stede in ander dele van die wêreld,” sê hy.
Volgens Alweendo is dit hoekom Namibië al sy kragbronne sal benut. Die oorgang vanaf fossielbrandstowwe na hernubare bronne moet regverdig teenoor Afrika geskied, dring hy aan.
OLIE-ONTDEKKINGS
Verteenwoordigers van die hoofborge, mnr. Dennis Zekveld van Shell en me. Emmanuelle Tutenuit van TotalEnergies, het tydens die opening uitgebrei oor hul onlangse olie-ontdekkings langs die Namibiese kus.
Zekveld sê Shell se Graff-1 en Graff-2-boorgate het beide goeie resultate opgelewer wat nog verder ontleed moet word. Dit nadat die eksplorasieskip verlede week na Walvisbaai teruggekeer het.
Hy het gewaarsku dit sal tyd neem om olie volhoubaar te ontgin, en dat Shell toegewyd is om dié pad saam met Namibië te stap; nie net in terme van brandstof nie, maar ook vir die ontwikkeling van hernubare energie.
“Die wêreld is in ’n benarde posisie. Bekostigbare en betroubare energie is goed vir die wêreld en dit is waar Namibië met sy veelsydige bronne ’n verskil kan maak,” het hy gesê.
Volgens Tutenuit is TotalEnergies se Venus 1-X in blok 2913b ’n opwindende ontdekking en beplan dié oliereus om in September in die nabygeleë blok 2912B ’n tweede boorgat te boor.
Dit sal die volhoubaarheid van die ontginning van die bron bepaal, wat ook die herboor en bykomende toetse van Venus 1-X sal insluit.
“Ná die proses sal ons vinnig na ontwikkeling beweeg,” sê sy en verseker dat in die kort termyn nog boorwerk sal volg om Venus 1 en Venus 2 se potensiaal te bepaal.
HERNUBARE KRAG
Sy sê Total herskep homself om as TotalEnergies ’n groot rolspeler in die oorgang na hernubare energie te word, met zero-emissies teen 2050.
Total sal nogtans aanhou om oliebronne te soek aangesien wêreldproduksie daal.
“Van Namibië benodig ons ’n lae koste en lae emissiebron om voorrade aan te vul. Dis die regte tyd vir hierdie (olie)ontdekking. Tien jaar gelede was die bedryf nie in staat om só diep olie te kan ontgin nie. Dit sou te vroeg gewees het. Tien jaar van nou is dit dalk te laat weens die veranderende energiemengsel,” sê sy.
Die beraad se tema is “Die energiemengsel: Posisionering vir belegging, industrialisasie en groei”. Die Eregaste sluit in hoofman Timipre Marlin Sylva, Nigerië se minister van brandstofhulpbronne, mnr. Peter Chibwe Kapala, Zambië se minister van energie, en mnr. Gabriel Mbaga Obiang Lima, die Republiek van Ekwatoriaal-Guinee se minister van myne en koolwaterstowwe.
GROOT PLANNE
In ’n paneelgesprek met sy eweknieë het Alweendo Namibië se groot planne vir die vervaardiging van groenwaterstof herhaal en sê proefaanlegte sal na verwagting reeds teen 2025 dié kragbron kan voorsien; vir kragopwekking in Namibië en vir uitvoere.
Kapala het gesê hy wil ’n vennootskap met Namibië sluit om ’n gaspyplyn tussen die buurlande te bou. Lima het Alweendo genooi om Guinee te besoek vir samewerking om dié land se LPG-gasbronne na Afrika te versprei.
Sylva wil hê Namibië moet by die Organisasie van Afrika Petroleumvervaardigers aansluit en volgende jaar se voorsitter van die Organisasie van Petroleumuitvoerlande (Opec) sê plaaslike inhoud vir energie is een van die kwessies waarvoor ’n verenigde standpunt vir Afrika ontwikkel word. Afrika wil met een stem praat wanneer die wêreld later vanjaar weer vir COP27 vergader. – [email protected]
Gister, gedurende die opening van die vierde beraad sedert sy ontstaan in 2012, het die minister van myne en energie mnr. Tom Alweendo, gesê Afrika is arm in terme van energie.
Namibië is toegewyd om dié energie-armoede op die vasteland teen 2030 uit te wis, sê hy.
“Die kwessie van energie vir Afrika is duidelik, ons het dit nie, en waar ons dit het, is daar nie genoeg nie. Sonder energie kan daar nie industrialisering en vooruitgang plaasvind nie. Energie is op almal se lippe met tot 600 miljoen mense op die vasteland wat nie toegang tot elektrisiteit het nie. Die vasteland gebruik so veel krag soos stede in ander dele van die wêreld,” sê hy.
Volgens Alweendo is dit hoekom Namibië al sy kragbronne sal benut. Die oorgang vanaf fossielbrandstowwe na hernubare bronne moet regverdig teenoor Afrika geskied, dring hy aan.
OLIE-ONTDEKKINGS
Verteenwoordigers van die hoofborge, mnr. Dennis Zekveld van Shell en me. Emmanuelle Tutenuit van TotalEnergies, het tydens die opening uitgebrei oor hul onlangse olie-ontdekkings langs die Namibiese kus.
Zekveld sê Shell se Graff-1 en Graff-2-boorgate het beide goeie resultate opgelewer wat nog verder ontleed moet word. Dit nadat die eksplorasieskip verlede week na Walvisbaai teruggekeer het.
Hy het gewaarsku dit sal tyd neem om olie volhoubaar te ontgin, en dat Shell toegewyd is om dié pad saam met Namibië te stap; nie net in terme van brandstof nie, maar ook vir die ontwikkeling van hernubare energie.
“Die wêreld is in ’n benarde posisie. Bekostigbare en betroubare energie is goed vir die wêreld en dit is waar Namibië met sy veelsydige bronne ’n verskil kan maak,” het hy gesê.
Volgens Tutenuit is TotalEnergies se Venus 1-X in blok 2913b ’n opwindende ontdekking en beplan dié oliereus om in September in die nabygeleë blok 2912B ’n tweede boorgat te boor.
Dit sal die volhoubaarheid van die ontginning van die bron bepaal, wat ook die herboor en bykomende toetse van Venus 1-X sal insluit.
“Ná die proses sal ons vinnig na ontwikkeling beweeg,” sê sy en verseker dat in die kort termyn nog boorwerk sal volg om Venus 1 en Venus 2 se potensiaal te bepaal.
HERNUBARE KRAG
Sy sê Total herskep homself om as TotalEnergies ’n groot rolspeler in die oorgang na hernubare energie te word, met zero-emissies teen 2050.
Total sal nogtans aanhou om oliebronne te soek aangesien wêreldproduksie daal.
“Van Namibië benodig ons ’n lae koste en lae emissiebron om voorrade aan te vul. Dis die regte tyd vir hierdie (olie)ontdekking. Tien jaar gelede was die bedryf nie in staat om só diep olie te kan ontgin nie. Dit sou te vroeg gewees het. Tien jaar van nou is dit dalk te laat weens die veranderende energiemengsel,” sê sy.
Die beraad se tema is “Die energiemengsel: Posisionering vir belegging, industrialisasie en groei”. Die Eregaste sluit in hoofman Timipre Marlin Sylva, Nigerië se minister van brandstofhulpbronne, mnr. Peter Chibwe Kapala, Zambië se minister van energie, en mnr. Gabriel Mbaga Obiang Lima, die Republiek van Ekwatoriaal-Guinee se minister van myne en koolwaterstowwe.
GROOT PLANNE
In ’n paneelgesprek met sy eweknieë het Alweendo Namibië se groot planne vir die vervaardiging van groenwaterstof herhaal en sê proefaanlegte sal na verwagting reeds teen 2025 dié kragbron kan voorsien; vir kragopwekking in Namibië en vir uitvoere.
Kapala het gesê hy wil ’n vennootskap met Namibië sluit om ’n gaspyplyn tussen die buurlande te bou. Lima het Alweendo genooi om Guinee te besoek vir samewerking om dié land se LPG-gasbronne na Afrika te versprei.
Sylva wil hê Namibië moet by die Organisasie van Afrika Petroleumvervaardigers aansluit en volgende jaar se voorsitter van die Organisasie van Petroleumuitvoerlande (Opec) sê plaaslike inhoud vir energie is een van die kwessies waarvoor ’n verenigde standpunt vir Afrika ontwikkel word. Afrika wil met een stem praat wanneer die wêreld later vanjaar weer vir COP27 vergader. – [email protected]
Kommentaar
Republikein
Geen kommentaar is op hierdie artikel gelaat nie