Mulunga betreur gebrek aan staat se ondersteuning

Die Nasionale Petroleumkorporasie van Namibië (Namcor) se afgedankte besturende direkteur, Immanuel Mulunga, meen dié maatskappy is “in wanorder”.Volgens hom was sy tyd by Namcor gekenmerk deur ’n gebrek aan ondersteuning, wantroue en verskeie pogings om van hom ontslae te raak.Mulunga het Sondag op die program The Agenda gepraat en vertel hoe die regering voortdurend die motiewe van die maatskappy bevraagteken het, terwyl dit minimale ondersteuning verskaf het. Dit ondanks die feit dat die regering die primêre aandeelhouer is.“Namcor het sy probleme gehad nog voor ek daar aangekom het. Die maatskappy was in wanorde; die inkomste wat hy gemaak het, was relatief klein en die verhoudings tussen die bestuur en die direksie was nie goed nie,” het hy gesê.Mulunga meen die maatskappy verdien meer steun van die regering omdat dit in staatsbesit is.“Veral nadat Namcor se besluit om tot die oliesektor toe te tree, groot kritiek ontlok het van rolspelers in die bedryf wat gemeen het dit sou onregverdige mededinging veroorsaak.“Ons kon meer ondersteuning gekry het om eerlik te wees, ongelukkig het ons om verskeie redes nooit die ondersteuning gekry wat ons verdien het van sommige van ons aandeelhouerministers nie.“Ons moes altyd sukkel om ons standpunt oor te dra, daarom verstaan ek nie hoekom ministers nie SOE’s die ondersteuning gee wat hulle nodig het nie. Ek is nie seker of dit jaloesie is nie, want sommige voel dat SOE-base meer betaal word as hulle [ministers],” het hy gesê.AANSTELLINGMulunga se probleme het reeds in 2015 begin, kort nadat hy as die topkandidaat in die werwingsproses vir ’n uitvoerende hoof geïdentifiseer is.Hy beweer ondanks die feit dat hy boaan die lys was, was daar huiwering om hom aan te stel. Mulunga is uiteindelik aangestel, maar daar was glo selde &#039;n goeie verhouding tussen hom en die direksies wat tydens sy ampstermyn aangestel is.Hy het gesê hy is ook verward oor verskeie dissiplinêre stappe wat teen hom ingestel is weens beleggingsbesluite wat die maatskappy in sy tyd geneem het.Hy het tydens die onderhoud toegegee dat sy skorsing in April 2023 hom onkant gevang het.SKORSING“Dit lyk of daar agteraf gesprekke was om my te skors. Die klagte waarvoor ek geskors is, het geen dissiplinêre proses ondergaan nie. Ek het nie gedink dit is reg nie, want mens moet eers deur ’n deursigtige proses gaan,” het hy gesê.Mulunga is vasbeslote dat hy aan ’n dissiplinêre proses onderwerp moes gewees het.“Om op hierdie manier afgedank te word, skep ’n slegte presedent, nie net vir my nie, maar alle ander bestuurders by semistaatsinstellings.”Hy het ook aantygings ontken dat hy agter &#039;n dwelmoperasie was waarby die voormalige raadsvoorsitter, Jennifer Comalie, na bewering betrokke was.– republikein@republikein.com.na

Mulunga betreur gebrek aan staat se ondersteuning

Kommentaar

Republikein 2026-02-03

Meld asseblief aan om kommentaar te lewer

Mulunga betreur gebrek aan staat se ondersteuning

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.