Kabinet gee groen lig vir groenwaterstof

Jemima Beukes - Die kabinet het vandeesweek die langverwagte haalbaarheids- en implementeringsooreenkoms met die regering se groenwaterstofvennoot, Hyphen Hydrogen Energy, goedgekeur. Intussen skuif die land reg om sy eerste groenwaterstofprojek op die been te kry, met &#039;n totale kapitaalbelegging wat na raming US$10 miljard beloop.Volgens &#039;n dokument van Hyphen het Namibië &#039;n beduidende geleentheid om &#039;n mede-belegger in die grensverskuiwende groenwaterstofprojek te word. As deel van hierdie ooreenkoms behou die regering die reg om &#039;n aandelebelang van tot 24% in die projek te verkry. Dit sal die regering in staat stel om aktief betrokke te wees by die ontwikkeling van- en in die moontlike sukses van dié projek.“Die regering het tot dusver meer as €40 miljoen gemobiliseer om die risiko te verminder vir sy aandelebelegging in die projek, gepaardgaande infrastruktuur en toekomstige groenwaterstofprojekte, en bykomende ondersteuning sal na verwagting aangekondig word ná die uitvoering van die haalbaarheids- en implementeringsooreenkoms. Ingevolge die ooreenkoms het die regering die verantwoordelikheid om te verseker dat Namibië toegerus is met die nodige wetlike, fiskale en regulatoriese omgewing om die implementering van die projek moontlik te maak. Hyphen is verantwoordelik vir die tegniese, finansiële, omgewings-, maatskaplike en kommersiële aspekte van die projek wat, indien die regering dit uiteindelik goedkeur, deur Hyphen geïmplementeer sal word,” lui die dokument.Die projek, wat na verwagting volskaalse ontwikkeling voor die einde van die dekade sal bereik, beoog om jaarliks twee miljoen ton groen ammoniakgas te produseer, wat voorsiening sal maak vir beide streeks- en wêreldwye markte.Die mylpaal-ooreenkoms tussen die regering en Hyphen wat vandag amptelik onderteken sal word, sal die hele proses beheer om Namibië se ambisieuse groenwaterstofprojek &#039;n werklikheid te maak.Luidens &#039;n gesamentlike verklaring deur Hyphen en die regering het die laasgenoemde saam met die interministeriële groenwaterstofraad &#039;n onderhandelingspan saamgestel wat ondersteuning van internasionale adviseurs ontvang het - gegewe die beperkte internasionale voorrang op dié gebied. “Hul gesamentlike pogings het gelei tot die ontwikkeling van die betrokke ooreenkoms, wat gereed is om &#039;n nuwe wêreldwye maatstaf te stel. Dit sal na verwagting dien as &#039;n templaat vir die volhoubare ontwikkeling van soortgelyke groenwaterstofprojekte wêreldwyd.”Ons susterkoerant Namibian Sun het onlangs berig Namibië het &#039;n span van topkundiges van Engeland se Oxford Universiteit, die Universiteit van Kaapstad (UCT), die Wêreldbank en die Handelsregontwikkelingsprogram (CLDP) in die Verenigde State (VSA) saamgestel om te help om sy wetgewing oor sintetiese brandstowwe op te stel. Hierdie span sal aan die ministeries van justisie en myne en energie rapporteer en sal vergoed word deur toelae wat Namibië van Duitsland en die Europese Unie (EU) ontvang het.Die voorgestelde vestiging van &#039;n "onafhanklike en sterk reguleerder en &#039;n duidelike, regverdige en omvattende regulatoriese raamwerk vir die groen energiebedryf in Namibië, wat kritiek sal wees vir die suksesvolle ontwikkeling van die sektor" is een van die span se noemenswaardige aanbevelings.Dieselfde verslag het aanbeveel dat die voorgestelde wetsontwerp op grond, wat in 2016 ter tafel gelê is en beoog om buitelandse burgers te verbied om gebruiklike grondregte te verkry sonder vooraf goedkeuring van die ministerie van landbou, water en grondhervorming, nie in werking moet gestel word nie. Dit aangesien dié stap waarskynlik tot kommer oor beleggings en winsgewendheid sal lei.-jemima@namibiansun.com

Kabinet gee groen lig vir groenwaterstof

Kommentaar

Republikein 2025-06-18

Meld asseblief aan om kommentaar te lewer

Kabinet gee groen lig vir groenwaterstof

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie