Erongo Red verklaar dividende

In &#039;n beduidende mylpaal en &#039;n verbetering in sy finansiële situasie het Erongo Red dividende van meer as N$10 miljoen aan sy aandeelhouers verklaar. Die aankondiging is deur die maatskappy se uitvoerende hoof, Immanuel !Hanabeb, gemaak."Ek is verheug om aan te kondig dat ons verbeterde finansiële posisie ons in staat gestel het om tydens ons algemene jaarvergadering in Februarie in Swakopmund, dividende van N$10,2 miljoen aan ons aandeelhouers te verklaar," het !Hanabeb gesê.Volgens hom verteenwoordig dit ’n beduidende mylpaal vir die maatskappy, veral in die lig van die uitdagings wat die maatskappy tydens en ná Covid-19 ervaar het. !Hanabeb het die maatskappy se toewyding beklemtoon om waarde vir sy aandeelhouers te skep."Terwyl ons in vorige jare moes afstand doen van dividende, beklemtoon die feit dat ons dit vanjaar kan doen ons toewyding aan ons aandeelhouers," het hy gesê.Hy het aandeelhouers ook vir hul voortgesette ondersteuning geloof."Julle onwrikbare ondersteuning en vertroue en ook vertroue in ons leierskap en visie was instrumenteel om ons vorentoe te dryf. Vandag is ons finansieel en operasioneel sterker as wat ons 18 jaar gelede was toe ons begin het."Michael Skini het namens Erongo Red se raad gesê die besluit om dividende te verklaar het gevolg ná &#039;n deeglike hersiening van die maatskappy se finansiële uitslae en posisie."Die besluit is in lyn met die voorsiening wat gemaak word in die aandeelhouersooreenkoms – paragraaf 3.2.2 – wat die mandaat gee vir die verklaring van dividende gelykstaande aan ten minste 60% van die verspreibare winste van die maatskappy," het Skini verduidelik. John Esterhuizen, die waarnemende uitvoerende hoof van die Walvisbaai-munisipaliteit en ook voorsitter van die algemene jaarvergadering, het die tjek namens die aandeelhouers ontvang.“As aandeelhouers verwelkom ons hierdie prestasie en is trots op wat die maatskappy tydens die 2022-’23-finansiële jaar bereik het," het Esterhuizen gesê.Hy het die munisipaliteite se verbintenis beklemtoon om burgerlike dienste aan hul gemeenskappe te verskaf. Volgens hom sal die dividende wat ontvang is, gebruik word om munisipale pogings te ondersteun om juis hierdie dienste tot voordeel van die gemeenskap as geheel te verbeter. – republikein@republikein.com.na

Erongo Red verklaar dividende

Kommentaar

Republikein 2026-01-29

Meld asseblief aan om kommentaar te lewer

Erongo Red verklaar dividende

Kommentaar

Republikein 2026-01-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.