Dundee kap terug

Die Tsumeb-smelter is nie ’n gesondheids- of omgewingsrisiko vir die dorp of sy inwoners nie, sê Dundee Precious Metals.Dit te midde van die Namibiese Mededingingskommissie se ondersoek in verband met die verkoopstransaksie van die smelter aan die Chinese maatskappy, Sinomine Resource Group.Die ondersoek laat nie toe dat die Tsumeb-sakekonsortium se bewerings in die openbaar beantwoord word nie, volgens dié Kanadees-genoteerde maatskappy. Dundee dring egter daarop aan dat die smelter nie ’n gevaar inhou nie.Die sakekonsortium en inwoners van Tsumeb beskuldig die smelter van swaeldioksied-lugbesoedeling en arseenbesoedeling van die grond.“Die smelter se leierskapspan het streng gesondheids-, veiligheids- en omgewingsmoniteringstelsels geïmplementeer. Hierdie prosedures is om te verseker dat dit in lyn is met Namibiese en internasionale standaarde, en dit nie gesondheidsrisiko’s vir die inwoners van Tsumeb inhou nie,” lui Dundee se jongste verklaring wat verlede week uitgereik is.Dundee sê sy werknemers is onderhewig aan gereelde mediese ondersoeke deur onafhanklike derdeparty- mediese diensverskaffers.In die lig van beskuldigings dat ’n arseendam in die dorp ernstige gevolge vir Tsumeb inhou, sê Dundee dat honderde miljoene Amerikaanse dollars, ofte wel miljarde Namibiese dollars, bestee is om die smelter te verbeter sedert Dundee dit in 2010 gekoop het.“Ons het ’n goedgekeurde gespesialiseerde fasiliteit gebou, wat volgens internasionale standaarde ontwerp is om die arseenafvalproduk veilig binne die smelterterrein te berg.Die fasiliteit word volgens regulatoriese goedgekeurde ontwerpvereistes bedryf en word noukeurig deur die maatskappy se personeel gemonitor, met gereelde verslagdoening aan die ministerie van die omgewing en toerisme en ander staatsowerhede.Die fasiliteit word onafhanklik deur gekwalifiseerde eksterne ouditeure geoudit vir gerusstelling en nakoming, en is ten volle gelisensieer deur die Namibiese regering,” sê Dundee se woordvoerder, Alina Garises.“Die moniteringsresultate het nie die oorskryding van die standaard aangedui nie. Alle S02-vrystellings is gemeet en bly binne aanvaarde perke,” volgens Garises.“Die smelter voldoen aan internasionale perke van luggehalte, soos uiteengesit deur die Wêreldgesondheidsorganisasie (WHO), en uitlaatgasse het aansienlik gedaal,” voer sy verder aan.Inwoners het egter verlede week gekla dat gasvrystellings asemhaling moeilik maak en glo die afgelope paar weke vererger het.Met betrekking tot arseen, sê Dundee dat hy reeds die arseentrioksied-aanleg in Oktober 2016 gesluit het. Die verklaring beantwoord nie direk die vraag wat nou met hierdie afvalproduk van die smelt van kopererts wat arseen bevat, gebeur nie.Dundee verwys na gemeenskapsgesondheidsverslae in 2016 en 2018 wat aandui dat die smelter nie die watertoevoer na Tsumeb bedreig nie en dat die gehalte van drinkwater aan die WHO se standaarde voldoen.Nietemin sê die omgewingsaktivis en EarthLife Namibia se voorsitter, Bertchen Kohrs, dat werknemers by ’n plaaslike hotel haar op Saterdag 1 Junie gewaarsku het: “Drink onder geen omstandighede die kraanwater nie.”Dundee sê ’n opname vir gemeenskapsgesondheid is in die vierde kwartaal van 2023 deur ’nonafhanklike gesondheidskonsultant uitgevoer, waarvan die resultate tans gefinaliseer word. – augetto@nmh-hub.com.na

Dundee kap terug

Kommentaar

Republikein 2026-06-19

Meld asseblief aan om kommentaar te lewer

Dundee kap terug

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.