B2Gold-afleggings nie meer vrywilliglik

Die bestuurder van die B2Gold se Otjikoto-goudmyn, Eric Barnard, sê dié Kanadese genoteerde maatskappy se beplande afleggingsproses gaan voort, te midde van goeie produksieresultate en eksplorasiesukses wat toekomstige ondergrondse mynbou kan ophelder.Met die fokus wat na ondergrondse mynbou verskuif, beteken dit dat oopgroefbedrywighede tot ’n einde loop en honderde mynwerkers sal hul kennisgewing van gedwonge skeiding van die myn as gevolg daarvan begin ontvang.Die afleggingsproses is verlede jaar tussen die myn en die Mynwerkersunie van Namibië (MUN) ooreengekom, sê Barnard. Altesaam 53 werknemers het sedert April vir die vrywillige afleggingsproses aansoek gedoen, met 26 werknemers wie se bedankings aanvaar is.Hy sê die aansoeke wat nie aanvaar is nie kom van departemente wat tans nie deur die afleggings geraak word nie en dié werknemers se vaardighede word steeds benodig.Dit het wel gelei tot ’n ondersoek na vaardighede wat oor verskillende departemente heen beskikbaar is en die oorplasing van werknemers, wat die totale aantal afdankings verminder het, sê hy.Hy wou nie bekend maak presies hoeveel werksgeleenthede verlore gaan nie, nie voor die betrokke werknemers ingelig is nie, het hy gesê.Hy het wel Vrydag bevestig dat die myn nou met gedwonge skeidings in sy tweede fase van afleggings begin.“Ons is bewus daarvan dat dit mense se lewensbestaan beïnvloed en ons het menslike hulpbron- en welstandsingrypings van stapel gestuur, insluitend interne berading en om geestesgesondheidsberaders in te bring wanneer dit benodig word.“Ons verskaf opleiding in finansiële geletterdheid omdat ons weet die uitbetaling van enkelbedrae kan moontlik probleme veroorsaak.“Sommige mense het dit aanvaar en sien uit na die dag wat hulle die kennisgewing ontvang, met planne om klein ondernemings te begin, wat ons met opleiding ondersteun.“Daar is ’n omvattende skedule van opleidingsgeleenthede op die mynterrein beskikbaar en ons gee soms studietoelaes en lenings.“Die groot sukses is met die bestuurslisensie-opleiding. Ons het die afgelope maande ’n perseel op die myn gebou waar werknemers leer om hul rybewyse te bekom.”Danksy die Atushe Vamwe-program wat sedert 2019 kulturele diversiteit op die myn vier, kan die mynbestuur reeds staatmaak op voorstanders wat help om inligting te versprei en terugvoer te vergemaklik, brei Bernard uit.Die werknemers waardeer die goeie kommunikasie, volgens Barnard, veral danksy besoeke aan elke departement, waar insette en voorstelle ook ingesamel word en later geïmplementeer word.Met betrekking tot eksplorasie by die Antilope-gouddeposito, het B2Gold verlede maand sy hulpbronskatting vir die Springbok-sone amptelik bekend gemaak.Sowat 3 km suid van fase vyf van die oopgroefmyn, glo die maatskappy daar kan moontlik nog 390 000 onse goud binne 1,75 miljoen ton erts teen 6,91 gram per ton ondergronds wees.’n Voorlopige ekonomiese beoordeling is van stapel gestuur, wat met ’n positiewe resultaat kan beteken dat ondergrondse mynbou daar teen 2026 goudproduksie kan lewer.Dit beteken dat goudproduksie 100 000 onse per jaar vanaf 2026 tot 2031 kan oorskry.Otjikoto sal na verwagting vanjaar tussen 180 000 en 200 000 onse goud lewer, met die eerste kwartaal wat reeds 45 416 onse tot einde Maart gelewer het.– augetto@nmh-hub.com.na

B2Gold-afleggings nie meer vrywilliglik

Kommentaar

Republikein 2026-05-05

Meld asseblief aan om kommentaar te lewer

B2Gold-afleggings nie meer vrywilliglik

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.