Ondersoek inkomstetoelaag krities, sê BoN se goewerneur

Die goewerneur van die Bank of Namibia (BoN), Johannes !Gawaxab, sê beleidmakers sal die implementering van ’n basiese inkomstetoelaag (BIG) krities moet ondersoek en moet dink oor maniere waarop dit gefinansier kan word sonder om ’n groot las op die land se finansies te plaas. !Gawaxab het die opmerkings onlangs gemaak by die eerste besprekings van monetêre beleide wat die sentrale bank aangebied het. Hy meen BIG is ’n eerbare strewe, maar dit mag nie tot nadeel van die land se finansies wees nie.“Vir dié tipe uitgawes moet ’n mens dink oor hoe ons dit gaan finansier. Dit is een ding om te sê ons moet ’n BIG hê en daar is niks fout daarmee nie, maar ons moet ook nog ’n gesprek voer – hoe implementeer en finansier ons dit?“Sodra ons &#039;n middeweg tussen hierdie twee gevind het, kan ons by &#039;n punt kom waar hierdie idee geïmplementeer kan word sonder dat druk op die fiskus geplaas word,” het !Gawaxab gesê.BETOGINGDie Basiese Inkomstetoelaag (BIG) Koalisie van Namibië het verlede naweek betoog en na die ministerie in die presidensie verantwoordelik vir geslagsgelykheid, armoede-uitwissing en maatskaplike welsyn opgeruk om ’n universele en onvoorwaardelike BIG van N$500 per persoon, per maand te eis.“Vir jare is ons stemme nie gehoor nie, so ons het besluit ons sal ’n optog reël om seker te maak dat die regering verstaan dat die mense moeg gesukkel is. “Die leierskap moet weet dat mense moeg is om deur dromme en vullis te gaan om kos te kry, terwyl ons ’n regering het wat veronderstel is om vir mense te sorg,” het Rinaani Musutua van die koalisie gesê.Luidens die petisie eis die groep dat die regering sy verpligting ingevolge artikel 95 van die Namibiese Grondwet nakom.“Jong mense, wat hoofsaaklik deur werkloosheid geraak word, is die meerderheid en belangrikste mense in ons land. Daarom moet hul toekoms verseker word. “Ons leiers moet hulle daartoe verbind om ’n onvoorwaardelike en universele BIG as ’n jeuggesentreerde maatskaplike beskermingskema te implementeer om jong mense wat werkloos is te ondersteun en jeugontwikkeling te bevorder,” lui die klagskrif wat oorhandig is.– republikein@republikein.com.na

Ondersoek inkomstetoelaag krities, sê BoN se goewerneur

Kommentaar

Republikein 2025-07-03

Meld asseblief aan om kommentaar te lewer

Ondersoek inkomstetoelaag krities, sê BoN se goewerneur

Kommentaar

Republikein 2025-07-03

Meld asseblief aan om kommentaar te lewer

MELD AAN

Advertensie