Nuwe kopermyn kom naby Windhoek

Die Shali-myngroep het vir Environmental Compliance Consultancy (ECC) opdrag gegee om met die proses te begin om sy omgewings- en maatskaplike impakstudie te hersien en op te dateer ter voorbereiding vir sy aansoek by die ministerie van myne en energie sodat konstruksie aan die ondergrondse kopermyn, Ongombo, kan begin. Dié myn is 1,5 km noordoos van die Otjihase-myn en 45 km vanaf Windhoek op die M53-afdraai vanaf die B6 in Gobabis se rigting geleë. ECC het ’n openbare vergadering vir môre (18 Mei) in die hoofstad belê om belanghebbers oor verwikkelinge in te lig. Die eksplorasie-lisensiegebied is 15,7 km van noord na suid, 12,5 km van oos na wes, en beslaan &#039;n gebied van 12 092 hektaar.Ongombo word as ’n projek met lae-graad koper en ’n lae tonnemaat beskou, met net 40 000 ton wat maandeliks vervaardig sal word, en ’n werksmag van tussen 50 en 80 mense - insluitend twee spanne van 14 mynpersoneellede. Gedurende die konstruksie van die myn sal tot 80 mense aangestel word. Die myn se verwagte lewensduur is tussen 12 en 14 jaar.Mnr. Wilhelm Shali het die Shali-groep in 2010 gestig, wat oor die jare gegroei het van ’n kontrakteur na ’n volwaardige mynmaatskappy deur die groep se betrokkenheid by verskeie myne soos Otjihase en Matchless. Volgens die uitvoerende assistent vir die Shali-groep se raad, mnr. Katwali Nambala, dui die ervaring wat die groep oor die jare opgedoen het by verskeie ondergrondse mynprojekte soos die Elizabeth-myn in die Suide en die North River Resources se Namib Lead en Zinc-myn langs die kus, op hul vermoë om die nuwe myn te bou. “Ons is tans bekwaam en het die kapasiteit danksy ons strategiese vennootskappe,” sê hy namens die raad. “Ons het intensief voorberei en wag slegs vir die goedkeuring van die mynlisensie en van die omgewingsklaring sodat bedrywighede kan begin. Ons doen ook nog eksplorasie om die hulpbron verder uit te brei en te kwantifiseer,” voeg hy by.Die Londense genoteerde African Pioneer het verlede jaar aangekondig dat hulle ’n verdere aandeel van 15% in die Shali-groep se Ongombo- en Ongeama- projek sal neem. Sowat N$6,2 miljoen in kontant is daarvoor betaal, en sowat N$1,1 miljoen is in aandele oorbetaal. African Pioneer besit nou 85% van beide projekte, terwyl Shali 15% besit. – augetto@republikein.com.na

Nuwe kopermyn kom naby Windhoek

Kommentaar

Republikein 2025-11-05

Meld asseblief aan om kommentaar te lewer

Nuwe kopermyn kom naby Windhoek

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.