Katar, Namibië nou olievennote
Die minister van myne en energie, Tom Alweendo, het die afgelope naweek ’n Memorandum van Verstandhouding (MoU) namens die regering met QatarEnergy in Katar onderteken.
Hiermee sal samewerking in die energiesektor versterk word, volgens ’n mediaverklaring wat Sondag deur dié oliemaatskappy in Doha vrygestel is.
Katar se minister van energiekwessies, Saad Sherida Al-Kaabi, wat ook QatarEnergy se president en uitvoerende hoof is, het die ooreenkoms namens QatarEnergy onderteken.
’n Spesiale geleentheid is by die maatskappy se hoofkantoor in Doha gehou.
Voortdurende samewerking wat fokus op die deel van kundigheid; die bevordering van Namibiese werknemers; en die ontwikkeling van verdere beleggingsgeleenthede in Namibië, word in die ooreenkoms vervat.
Al-Kaabi het gedurende die seremonie gesê: “Ons is bly om ons samewerking met die regering van Namibië te verbeter en op ons onlangse sukses te bou. Hierdie ooreenkoms versterk ons verhouding terwyl ons saamwerk om ’n voorspoedige toekoms te verseker.”
QatarEnergy het onlangs die ontdekking van ligte olie by die Jonker-1X-boorgat in die Oranje-kom van die Atlantiese Oseaan langs die kus van Namibië aangekondig. Dié ontdekking dra by tot vorige ontdekkings in twee aparte boorgate van olie en gas wat in 2022 aangekondig is.
QatarEnergy het tans belange in drie eksplorasielisensies langs die Namibiese kus, spesifiek in PEL-39 waarin die Katar-onderneming 45% aandele besit, in PEL-56 met 30%-aandeelhouding, en in PEL-91 met 28,33%. Dié lisensiegebiede dek altesaam meer as 28 000 vierkante kilometer.
– [email protected]
Hiermee sal samewerking in die energiesektor versterk word, volgens ’n mediaverklaring wat Sondag deur dié oliemaatskappy in Doha vrygestel is.
Katar se minister van energiekwessies, Saad Sherida Al-Kaabi, wat ook QatarEnergy se president en uitvoerende hoof is, het die ooreenkoms namens QatarEnergy onderteken.
’n Spesiale geleentheid is by die maatskappy se hoofkantoor in Doha gehou.
Voortdurende samewerking wat fokus op die deel van kundigheid; die bevordering van Namibiese werknemers; en die ontwikkeling van verdere beleggingsgeleenthede in Namibië, word in die ooreenkoms vervat.
Al-Kaabi het gedurende die seremonie gesê: “Ons is bly om ons samewerking met die regering van Namibië te verbeter en op ons onlangse sukses te bou. Hierdie ooreenkoms versterk ons verhouding terwyl ons saamwerk om ’n voorspoedige toekoms te verseker.”
QatarEnergy het onlangs die ontdekking van ligte olie by die Jonker-1X-boorgat in die Oranje-kom van die Atlantiese Oseaan langs die kus van Namibië aangekondig. Dié ontdekking dra by tot vorige ontdekkings in twee aparte boorgate van olie en gas wat in 2022 aangekondig is.
QatarEnergy het tans belange in drie eksplorasielisensies langs die Namibiese kus, spesifiek in PEL-39 waarin die Katar-onderneming 45% aandele besit, in PEL-56 met 30%-aandeelhouding, en in PEL-91 met 28,33%. Dié lisensiegebiede dek altesaam meer as 28 000 vierkante kilometer.
– [email protected]
Kommentaar
Republikein
Geen kommentaar is op hierdie artikel gelaat nie