Ekonomie groei teen slakkepas

Die Namibiese ekonomie het die afgelope twee kwartale die swakste gevaar sedert die Covid-pandemie die land in 2020 getref het met veral die droogte en gedempte diamantproduksie wat groei kortwiek.Beide landbou en mynbou is nou amptelik in ‘n resessie, toon die jongste data van die Namibië Statistiekagentskap (NSA).Algehele reële ekonomiese groei in die derde kwartaal was 2,8%, ‘n katspoegie beter as die 2,7% van die vorige kwartaal.In dieselfde twee kwartale verlede jaar was groei 3,1% en 3,4% onderskeidelik.SILWER RANDJIEOndanks die algehele swakker vertoning van die ekonomie is daar goeie nuus, meen Cirrus Capital.Net drie uit die 17 sektore van die ekonomie was die afgelope kwartaal in die rooi: landbou en bosbou, mynbou, asook water en elektrisiteit.Die jongste syfers toon die ekonomie word nie langer net deur mynbou gedra nie, aldus Cirrus.“Dit is ‘n bemoedigende teken van die ontwikkeling van Namibië se ekonomiese herstel, wat aanvanklik uiters gekonsentreerd was,” sê dié ontleders.LANDBOUGroei van -6,3% is die afgelope kwartaal in die landbou- en bosbousektor aangeteken ná dit in die tweede kwartaal met 1,2% ingekrimp het.Twee opeenvolgende kwartale van negatiewe groei beteken dié sektor is nou tegnies in ‘n resessie.Die impak van die voortslepende droogte en minder diere wat mark toe gestuur is, het tot ‘n inkrimping van 8,1% in die lewendehawe-subsektor gelei.Daarenteen het beter druiweproduksie vir ‘n hupstoot van 0,4% in akkerbou gesorg.MYNBOUDalende diamantproduksie het groei in die mynbousektor na -6,7% laat tuimel. Tesame met die inkrimping van 4,0% in die tweede kwartaal, is mynbou ook amptelik in ‘n resessie.‘n Kwynende vraag na diamante wêreldwyd en gevolglik ‘n kleiner plaaslike produksie het die diamantsubsektor die afgelope kwartaal met 14,7% laat inkrimp.Uraan, metale en sout, daarenteen, het goed gevaar en positief gegroei.Ondanks ‘n algehele swakker vertoning, bly mynbou die steunpilaar van die ekonomie. In reële terme, wat die uitwerking van inflasie in ag neem, het mynbou die afgelope kwartaal bykans N$4,3 miljard tot Namibië se totale bruto binnelandse produksie (BBP) van sowat N$38 miljard bygedra.TOERISMEHotelle en restaurante, ‘n maatstaf vir toerisme, het sy 11de opeenvolgende kwartaal van positiewe groei agter rug.Met groei van 3,7%, was die afgelope kwartaal dié sektor se beste vertoning tot dusver vanjaar.Die oplewing in toerisme word weerspieël in stygende vlugaankomsyfers, asook meer internasionale, streek- en plaaslike besoekers wat verblyf- en ander dienste in die toerismesektor benodig. VERBRUIKERGroot- en kleinhandel het die afgelope kwartaal sowat N$3,4 miljard in reële terme deur die ekonomie laat vloei.Dié sektor het met 5,6% gegroei; die 14de opeenvolgende kwartaal van herstel ná dit in die begin van 2017 vir vier jaar in ‘n resessie gedompel is.Verlaagde inkomstebelasting en laer rentekoerse sorg vir skop in verbruikers se besteding, sê Cirrus.Alle inkomstebelastingbetalers het nou maandeliks tussen N$750 en N$1 542 méér in hul sakke. Dié meevaller behoort besteding in die huidige kwartaal verder te stu, meen Cirrus.

Ekonomie groei teen slakkepas

Kommentaar

Republikein 2025-04-30

Meld asseblief aan om kommentaar te lewer

Ekonomie groei teen slakkepas

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie