'Dit is hoop en 'n toekoms'
Sonder belegging sal werkloosheid voortgaan om te styg. Volhoubare werkskepping vereis praktiese toepassing - dapper verklarings skep nie werk nie, harde werk doen. Emeraldsand Platforms (ESP) se uitvoerende direkteur Albé Botha, het president Netumbo Nandi-Ndaitwah se klem op werkskepping tydens die eerste Namibiese Openbare-Private Forum verwelkom en ESP se verbintenis tot indiensneming en innovasie as dryfvere van nasionale groei herbevestig.
Volgens Botha het ESP die afgelope jaar 54 mense en hoofsaaklik jongmense, in diens geneem wat ‘n bestendige benadering weerspieël in pas met Nandi-Ndaitwah se oproep om “een tree op ‘n slag” vordering te maak.
Botha sê ESP se sukses word nie aan wins gemeet word nie, maar aan mense.
“Werkgeleenthede is meer as inkomste; dit is hoop, waardigheid en 'n toekoms. Elke stap wat ons neem, skep geleenthede vir Namibië se jeug,” het hy gesê.
Soos ESP ontwikkel van 'n tradisionele mediamaatskappy na 'n tegnologie-, logistieke en finansiële dienstenetwerk, sê Botha dit bly steeds verbind tot die ondersteuning van Namibië se teiken van 500 000 nuwe werkgeleenthede in vyf jaar.
Deur sy filiaal Synergi Marketing verbind ESP handelsmerke oor nege platforms – van drukwerk tot digitaal – en bereik daagliks meer as twee miljoen mense, met 20% van sy gehoor buite Namibië.
ESP se MyZone-jeugprogram bemagtig jong stemme, terwyl die ondersteuning van die African Child Development Trust (ACDT) meer as 15 miljoen voorskoolse werkboeke landwyd versprei het – 'n belegging van meer as N$100 miljoen in vroeë onderwys.
“Namibiese eienaarskap binne 'n globale ekosisteem is noodsaaklik vir gebalanseerde groei,” het Botha beklemtoon.
“ESP verbind hom met trots daartoe om 5 000 werksgeleenthede in die kreatiewe bedryf te skep – 'n tasbare 1%-bydrae tot die nasionale doelwit.”
Nandi-Ndaitwah het tydens die forum verlede week sterk klem op werkskepping gelê, met ESP wat volgens Botha sy volle gewig agter indiensneming en innovasie gooi as dryfvere vir nasionale groei.
Namibië se ekonomie staar moeilike omstandighede in die gesig en wat insluit hoë rentekoerse, stygende brandstofkoste en die voortgesette gevolge van die Gryslys deur die Finansiële Aksietaakmag (FATF) wat gesamentlike belegging en samewerking tussen die openbare en private sektor belangriker as ooit maak.
Volgens Botha het ESP die afgelope jaar 54 mense en hoofsaaklik jongmense, in diens geneem wat ‘n bestendige benadering weerspieël in pas met Nandi-Ndaitwah se oproep om “een tree op ‘n slag” vordering te maak.
Botha sê ESP se sukses word nie aan wins gemeet word nie, maar aan mense.
“Werkgeleenthede is meer as inkomste; dit is hoop, waardigheid en 'n toekoms. Elke stap wat ons neem, skep geleenthede vir Namibië se jeug,” het hy gesê.
Soos ESP ontwikkel van 'n tradisionele mediamaatskappy na 'n tegnologie-, logistieke en finansiële dienstenetwerk, sê Botha dit bly steeds verbind tot die ondersteuning van Namibië se teiken van 500 000 nuwe werkgeleenthede in vyf jaar.
Deur sy filiaal Synergi Marketing verbind ESP handelsmerke oor nege platforms – van drukwerk tot digitaal – en bereik daagliks meer as twee miljoen mense, met 20% van sy gehoor buite Namibië.
ESP se MyZone-jeugprogram bemagtig jong stemme, terwyl die ondersteuning van die African Child Development Trust (ACDT) meer as 15 miljoen voorskoolse werkboeke landwyd versprei het – 'n belegging van meer as N$100 miljoen in vroeë onderwys.
“Namibiese eienaarskap binne 'n globale ekosisteem is noodsaaklik vir gebalanseerde groei,” het Botha beklemtoon.
“ESP verbind hom met trots daartoe om 5 000 werksgeleenthede in die kreatiewe bedryf te skep – 'n tasbare 1%-bydrae tot die nasionale doelwit.”
Nandi-Ndaitwah het tydens die forum verlede week sterk klem op werkskepping gelê, met ESP wat volgens Botha sy volle gewig agter indiensneming en innovasie gooi as dryfvere vir nasionale groei.
Namibië se ekonomie staar moeilike omstandighede in die gesig en wat insluit hoë rentekoerse, stygende brandstofkoste en die voortgesette gevolge van die Gryslys deur die Finansiële Aksietaakmag (FATF) wat gesamentlike belegging en samewerking tussen die openbare en private sektor belangriker as ooit maak.
Kommentaar
Republikein
Geen kommentaar is op hierdie artikel gelaat nie