DBN steun sonkrag op Rosh Pinah

Die Ontwikkelingsbank van Namibië (DBN) het op 25 Februarie met Rosh Pinah-sonkragpark (RPSP) ooreengekom om ’n 5,4 MW-sonkragaanleg op die dorp te bou. Die ooreenkoms bring die DBN se belegging in hernubare energie in Namibië tot oor die miljard-merk (N$1,038 miljard) met betrekking tot 89,7 MW vanaf 13 projekte.Die nuwe sonkragaanleg sal deur Otesa Energy Projects en sy vennoot Emesco ontwikkel en gebou word. Die direkteur en aandeelhouer, mnr. Elmo Kalyamo, sê die aanleg sal 30% van die Rosh Pinah-sinkmyn se aanvraag oor die volgende 15 jaar, deur middel van ’n koopkragooreenkoms, voorsien. Dit sal die myn se emissies van koolstofdioksied met 6% jaarliks, of 14 242 ton, verminder. Die 5,4 MW wat die aanleg sal opwek, is vir die Rosh Pinah-myn geoormerk wat besig is om uit te brei, om koste te verminder, kragbronne te diversifiseer en volhoubaarheid te verbeter.Kalyamo sê die Rosh Pinah-sonkragpark waardeer die ontwikkelingsbank se ondersteuning en vinnige reaksie tot spesifieke finansiering wat vir die projek benodig word. Die finansiering word deur die bank se klimaatsaanpassingsfasiliteit bewillig. Mnr. Martin Inkumbi, die uitvoerende hoof van die DBN, het by die geleentheid gesê hernubare energie bevoordeel die ekonomie en die welstand van die land, dus is die ontwikkelingsbank toegewyd tot die bevordering daarvan.Spesifieke voordele sluit in volhoubare mynbou, volhoubare werksgeleenthede by betrokke myne, en die verligting van druk op die kragnetwerk. Die druk op die netwerk word vererger deur groeiend aanvraag vanaf nywerhede en die uitbreiding van die netwerk om huise te koppel wat voorheen afgesny was. Aanvraag is meer as die opwekkingskapasiteit en Namibië voer baie meer krag in as wat plaaslik opgewek kan word. In Desember verlede jaar is 89 054 MWh plaaslik opgewek, terwyl sowat 263 899 MWh ingevoer is.Deur onafhanklike kragopwekkers te finansier, beoog die bank om kontantvloei na die buiteland te verminder, plaaslike opgewekte krag te vermeerder, toekomstige koste van infrastruktuur vir oorgrenstransmissie te verminder en om kragverskaffing te verbeter. Sedert die oorspronklike finansieringsmodel wat DBN gebruik het om die Omburu-sonkragpark en die Ombepo-windplaas naby Lüderitz te finansier, het die bank ’n goeie rekord in die finansiering van hernubare energie opgebou. – augetto@republikein.com.na

DBN steun sonkrag op Rosh Pinah

Kommentaar

Republikein 2026-02-06

Meld asseblief aan om kommentaar te lewer

DBN steun sonkrag op Rosh Pinah

Kommentaar

Republikein 2026-02-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.