Valse superboulbeurt was dalk kuberkrakers se werk

Krieket Namibië het ‘n ondersoek van stapel gestuur na ‘n vermoedelike kuber-inmenging met sy gebruiklike aanlyn tellinghou-toepassing gedurende Sondag se 50-boulbeurt premierliga.Vir ‘n wyle was die data ingevoer dat die twee finaliste by die FNB Namibië Krieketstadion gelykop gespeel het, voordat ATG WHS Old Boys in ‘n superboulbeurt die knoop deurgehaak het.Hierdie verkeerde inligting was beperk tot die Namibiese weergawe van die telbord-webblad CricClubs se aanlyn bladsy vir die wedstryd. By die stadion self word die regstreekse telling normaalweg op die grootskerm aangedui, wat vanweë die beskikbare tellinghouers se omstandighede nie Sondag die geval was nie.WHS Old Boys het die finaal inderdaad met 33 lopies teen APS Wanderers gewen, nadat die ligbloues 307 vir sewe opgestel het (Gerhard Erasmus 77 van 81 balle; Shaun Fouché 81 van 90 balle).In Wanderers se kolfbeurt het sake droewig gelyk toe hul toporde nie ‘n behoorlike grondslag kon lê nie en hul vernaamste aanvalswapen JJ Smit vir 21 lopies van 43 balle uitgevang is.In dieselfde boulbeurt het die jong bouler Adriaan Coetzee boonop vir Karl Birkenstock agter die paaltjies deur Malan Kruger laat uitvang.Op 121/7 ná 29 boulbeurte het Wanderers nog 187 lopies van 126 balle kortgekom en dit het gelyk soos ‘n blote kwessie van tyd voordat hulle laaste kolwers ook vir ‘n reuse-nederlaag sou vou.Juis hierdie situasie het egter ‘n manmoedige terugvegpoging deur Wanderers se laaste kolwers ontlok. Waldo Smith, wat in daardie stadium net 7 lopies van 41 balle kon aanteken, het losgetrek om met 69 lopies van 99 balle te eindig, terwyl nommer nege Nyasha Nyashadzaishe (29 van 30 balle) en nommer tien Bernard Scholtz (49 nie uit nie van van 28 balle) bygedra het om hul span se volle 50 boulbeurte uit te kolf en op 274 vir nege te eindig.Die valse inligting op die wedstryd se aanlyn telkaart het egter beweer dat Waldo Smith (87 nie uit nie van 103 balle) en Scholtz (61 nie uit nie van 28 balle) vir Wanderers tot op die gelykop telling van 307 gebring het. Hierna is kwansuis ‘n superboulbeurt afgehandel waarin Jan Frylinck en JJ Smit as kolwers vir Wanderers nege lopies versamel teen die ses balle wat Gerhard Erasmus afgestuur het. Hierna het Erasmus kamma saam met Malan Kruger gaan kolf en het die wenlopie met die vyfde bal van Jan Frylinck se superboulbeurt aangeteken.Krieket Namibië se uitvoerende hoof Johan Müller wou gister teenoor Sport Wrap nie bespiegel of kuberkrakers vir die insident verantwoordelik was, en of beroepswedders of poetsbakkers moontlik hiermee verband kon hou nie. Krieket Namibië geniet ‘n gewigtige aanhang in die Asiatiese krieketlande waar sportweddenskappe uiteraard ‘n groot besigheid is.Müller het by navraag bloot geantwoord: “Ons is tans besig om ondersoek in te stel. Totdat ek verdere inligting ontvang, sal ek nie in ‘n posisie wees om iets daaroor te sê nie.” REEKS SE UITBLINKERSDie skoolseun Adriaan Coetzee van WHS Old Boys het sy kaptein Shaun Fouché se geloof in sy vermoëns gestand gedoen deur boaan die lys van voorste paaltjienemers in die afgelope 50-boulbeurt premierliga te eindig.Meeste paaltjies1 Adriaan Coetzee (WHS Old Boys) dertien.2 Juma Miyaji (WHS Old Boys) elf.3 Shaun Fouché (WHS Old Boys) tien.4 PD Blignaut (Wanderers) nege.5 Nyasha Nyashadzaishe (APS Wanderers) nege.6 Jack Brassell (WHS Old Boys) nege.Beste boulekonomie (minimum 12 boulbeurte)1 Aiden Feely (Wanderers) 12.5 boulbeurte teen 2.10.2 Fortune Matawu (United) 22 boulbeurte teen 3.00.3 Ruben Trumpelmann (Trustco United) 27.2 boulbeurte teen 3.44.4 Erik Lintvelt (United) 17 boulbeurte teen 3.53.5 Juma Miyaji (WHS Old Boys) 46.4 boulbeurte teen 3.56.Meeste lopies1 Malan Kruger (WHS Old Boys) 403 (gemiddeld 100.75).2 WP Myburgh (United) 343 (gemiddeld 68.6).3 Nicol Loftie-Eaton (CCD Tigers) 329 (gemiddeld 65.80).4 Tiaan van der Merwe (Wanderers) 273 (gemiddeld 54.60).5 Shaun Fouché (WHS Old Boys) 267 (gemiddeld 53.40).Beste kolftempo (minstens twee kolfbeurte)1 PD Blignaut (APS Wanderers) 157.58%.2 Malan Kruger (WHS Old Boys) 118.53%.3 Gerhard Erasmus (WHS Old Boys) 115.0%4 Juma Miyagi (WHS Old Boys) 112.5%.5 Handre Klazinga (United) 110.39%.Hoogste kolftellings1 Tiaan van der Merwe (Wanderers) 161 van 142 balle teen WHS Old Boys.2 Nicol Loftie-Eaton (CCD Tigers) 148 van 130 balle teen United.3 Malan Kruger (WHS Old Boys) 138* van 138 balle teen Wanderers.4 WP Myburgh (United) 111* van 112 balle teen CCD Tigers.5 Malan Kruger (WHS Old Boys) 109 van 65 balle teen United.6 WP Myburgh (United) 102 van 135 balle teen CCD Tigers.7 Nicol Loftie-Eaton (CCD Tigers) 101 van 121 balle teen WHS Old Boys.Meeste sesse1 Malan Kruger (WHS Old Boys) 19.2 JJ Smit (Wanderers) 14.3 Shaun Fouché (WHS Old Boys) 13.4 Gerhard Erasmus (WHS Old Boys) 9.5 Tiaan van der Merwe (Wanderers) 9.

Valse superboulbeurt was dalk kuberkrakers se werk

Kommentaar

Republikein 2026-06-18

Meld asseblief aan om kommentaar te lewer

Valse superboulbeurt was dalk kuberkrakers se werk

Kommentaar

Republikein 2026-06-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.