Vir vleis wat van die been af val

Elke Vrydag en Saterdag gebeur daar groot dinge by Namib Smoked Meat House, want tussen 12:00 en 21:00 sorg hulle vir die heerlikste, sagste gerookte vleis denkbaar. En jy gaan moet wikkel as jy daarvan wil hê, want gewoonlik is dit sommer binne twee ure reeds uitverkoop.“Dis enige vleisliefhebber se hemel op aarde,” vertel Henri Britz. “Ons spesialiseer in vleis, en wat die Amerikaners ‘barbeque meats’ sou noem, en dan ook spitbraaie. Ons doen ’n hele verskeidenheid: beesrib, brisket, skaap op ’n spit, gerookte skaap, vark, pork belly, ribbetjies - al daai lekker goed. En as daar op ’n dag ’n groot genoeg geleentheid is, doen ons ’n osbraai ook,” vertel hy,Ten opsigte van hoekom hulle gerookte vleis so vinnig uitverkoop, sê Henri dit gaan oor die voorbereiding vat ongelooflik lank vat. “Dis ook dié dat ons net twee dae ’n week oop is. Ek berei ook net ’n sekere hoeveelheid voor.”Wat is ’n gunstelling onder kliënte?“By verre die beesrib en die pork belly. Albei gerook, natuurlik. Beesrib is iets wat ons Namibiërs leer eet het. Ons doen nie die kortrib nie, ons doen die volle, lang rib en dit het sommer baie vleis aan. Dit word ingevryf en word dan vir ten minste twee of drie dae gelos met die speserye op. Dan eers gaan dit roker toe vir tussen nege en 12 ure.”As die vleis daar uitkom, val dit sommer van die been af; dis sag, sappig en lekker.Aanvanklik was die rokery Henri se stokperdy. “Ons het ’n spysenieringsbesigheid gehad en die rokery was altyd net ’n ‘sideline’. Maar met Covid se koms, het die besigheid ongelukkig in die dam geduik. Per toeval het ek met Frans van Wyk, destyds van Inspirasie Tafels, gesels en hy het vir my gesê die kos is so lekker, ek moet dit na die mark bring.”So gesê en so gedaan. “En van daar af was dit ’n ‘showstopper’,” sê Henri. “Ons het ook juis besluit toe ons die opset hier [by De Kayak] sien, ons wil ’n lae koste plekkie hê sodat ons eerder hoë gehalte vleis kan lewer teen ’n bekostigbare prys, want dit raak andersins te vinnig té duur vir die meeste mense.Deel hy graag sy raad?“Ek is altyd versigtig om te sê ek is die man om mee te gesels oor gerookte vleis. Daar is ’n reeks op Netflix, Chef's Table Barbecue Edition, waar die ou dit mooi opsom. Die meeste ouens wat rook sal vir jou sê dit gaan eintlik oor hoe hulle die ‘rub’ maak, en die hout wat hulle gebruik en daar gaan jy. Maar op die ou einde is die grootste deel van rook, ervaring. Dis om die gevoel van die vleis te hê; om te weet dis nou reg; om te sien die glans begin goed lyk, so die sous kan maar op. Dis ervaring; daar is nie regtig ’n boek wat jy daaroor kan skryf nie. Dis soos kinders grootmaak; dis vir elke ou anders!”Vir meer inligting, kontak 081 240 8688 of besoek Facebook.com/meataterian

Vir vleis wat van die been af val

Kommentaar

Republikein 2025-11-05

Meld asseblief aan om kommentaar te lewer

Vir vleis wat van die been af val

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.