Bruidspare: Stem nóú vir die finaliste!

Maak gereed vir Republikein se Bruidspaar van die Jaar-finaal, wat vanjaar vir die eerste keer buite die hoofstad plaasvind!Maar voor dan moet julle – die leserspubliek, familie en vriende – bepaal wie die laaste sewe finaliste vir die kompetisie gaan wees, aangesien drie paartjies reeds as finaliste in die uitdunrondes gekies is.Dié immergewilde kompetisie het vanjaar nagenoeg 100 inskrywings gelok en nou is 25 paartjies deur ons gesoute beoordelaarspaneel uitgesoek om na die finaal deur te dring. Dit is juis uit hierdie paartjies wat jy jou gunstelinge sal moet kies.Die kompetisie vier Republikein se jarelange tradisie om Namibië se mooiste liefdesverhale te deel. Om deel te neem, moes paartjies wat tussen 1 Maart 2024 en 28 Februarie 2025 getroud is, inskryf deur foto’s en, nog belangriker, ’n brief oor hul lewens saam aan Republikein stuur. Só het die paartjies nie net hul spesiale dag met familie en vriende gedeel nie, maar met die hele land.Die hoogtepunt is die finaal wat op 7 Junie op Rehoboth tydens die Bruilof Ekspo plaasvind, waar die finaliste saam met familie, vriende en ondersteuners hul stories sal deel en die wenners aangekondig word. Die Bruidspaar van die Jaar stap nie net met die titel weg nie, maar ook met pragtige pryse danksy ons borge. Die drie paartjies wat reeds tot die finaal deurgedring het, is Veneruru en Himwiika Amunyela, Chanre en Jaron-Lee Figaji, asook Marne en Christo Liebenberg.Daar kan nou vir die volgende paartjies gestem word as die res van die finaliste: Nash-Leigh en Ashley Beukes; Zenea en Edwin Blaauw; Demi en Romano Bock; Mammadi en Mario Chipeio; Eyesha en Jozanne de Bruyn; Pena en Michael Field; Silke en Hein Garbers; Shirleen en Ryan Garoeb; Jana en De Wet Jacobs; Olivia en Even Januarie; Justina en Kenny Kabuku; Estee en Simon Kanime; Emerentia en Brandon Kisting; Catelynn en Jacques Koekemoer; Chess-Lynn en Angus McNab; Senio en Memory Nandago; Anna en Leonard Nashilundo; Reshma en Wayne Nels; Carlin en Josimar Rhodes; Nadine en Kelsey Sabati; Winnie en CJ Scholtz; Ruandi en Shawn van Wyk; Cadijcha en Giovanni Swartz; Angelique en Showan Willemse; en Frieda en Jason AkawaOm hul foto’s te sien, besoek Republikein se Facebookblad. Om te stem, WhatsApp eenvoudig #Bridal2025 saam met jou gunstelingpaartjie se van na 085 785 6231. Die sluitingsdatum vir stemme is 24 Mei 2025.

Bruidspare: Stem nóú vir die finaliste!

Kommentaar

Republikein 2026-01-20

Meld asseblief aan om kommentaar te lewer

Bruidspare: Stem nóú vir die finaliste!

Kommentaar

Republikein 2026-01-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.