‘Moenie Tsumeb se water drink’
Kook dit éérs, sê dorpsraad
Dundee Precious Metals het sy werknemers verwittig dat dit tydens roetine-toetsing ontdek het dat die dorp se mikrobiologiese vlakke dit ongeskik vir menslike gebruik maak.
Inwoners van Tsumeb word aangeraai om alle water te kook voordat hulle dit drink, terwyl die munispale raad besig is om toetse op die gehalte van die dorp se drinkwater uit te voer.
Dit volg nadat Dundee Precious Metals verlede Woensdag sy werknemers en kontrakteurs in ‘n brief daarvan verwittig het dat dit tydens roetine-toetsing van die dorp se water vasgestel dat nie geskik vir menslike gebruik is nie.
Dit is weens die mikrobiologiese gehalte van die water.
Zebra Kasete, Dundee se vise-president en besturende direkteur, het in die brief gesê terwyl hulle skoon water vir hul werknemers op die werksperseel beskikbaar sal stel, het die organisasie in verbinding met die dorp se munisipaliteit getree om die kwessie aan te spreek – veral as dit by die verskaffing van water aan die dorp kom.
Die munisipaliteit het intussen in ‘n media-verklaring gesê hulle neem die toetsuitslae ernstig op en is besig om hul eie toetse op die dorp se water te doen. “Die dorpsraad sal die resultate aan die publiek kommunikeer sodra dit beskikbaar is,” lui die verklaring.
Inwoners word aangeraai om die water te kook voordat hulle dit drink en die munisipaliteit het om verskoning gevra vir die ongerief wat dit mag veroorsaak.
Intussen maak Dundee self voorsiening vir sy werkers en word daar gebruik gemaak van ‘n plaaslike verskaffer vir drinkwater, wat sowat 4 000 liter water per dag sal verskaf. Werknemers se waterbottels word by Dundee se gym afgelaai en hulle kan daar veilige en vars water ontvang.
“Baie dankie vir die span onverpoosd werk om seker te maak ons werksplek se gesondheid en veiligheid word nie ingeboet nie,” het Kasete gesê.
Intussen is inwoners ontsteld oor die nuus en het talle op sosiale media gevra hoe lank die water al besoedel is. “Dit is onaanvaarbaar,” het een inwoner gesê, terwyl ander wou weet of die munisipaliteit hul mediese onkostes gaan dek.
Ander het gesê hulle behoort minder vir “besoedelde water” te betaal.
Nog ‘n bekommerde inwoner sê hy is reeds op skool geleer om water te kook voordat hy dit drink. “Dit is meer as tien jaar gelede . . . Gaan asseblief dokter toe, julle wat ongekookte water in Tsumeb gedrink het. Ek dink Tsumeb se munisipaliteit moet die inwoners ondersteun in hul mediese onkoste. Kook die water, selfs voor julle daarin bad!”
Nog ‘n inwoner meen hy sou al lankal gesterf het as die water onveilig was en het mense wat bekommerd is daaroor, aangeraai om “monsters” na ‘n laboratorium te neem vir toetse.
Dit volg nadat Dundee Precious Metals verlede Woensdag sy werknemers en kontrakteurs in ‘n brief daarvan verwittig het dat dit tydens roetine-toetsing van die dorp se water vasgestel dat nie geskik vir menslike gebruik is nie.
Dit is weens die mikrobiologiese gehalte van die water.
Zebra Kasete, Dundee se vise-president en besturende direkteur, het in die brief gesê terwyl hulle skoon water vir hul werknemers op die werksperseel beskikbaar sal stel, het die organisasie in verbinding met die dorp se munisipaliteit getree om die kwessie aan te spreek – veral as dit by die verskaffing van water aan die dorp kom.
Die munisipaliteit het intussen in ‘n media-verklaring gesê hulle neem die toetsuitslae ernstig op en is besig om hul eie toetse op die dorp se water te doen. “Die dorpsraad sal die resultate aan die publiek kommunikeer sodra dit beskikbaar is,” lui die verklaring.
Inwoners word aangeraai om die water te kook voordat hulle dit drink en die munisipaliteit het om verskoning gevra vir die ongerief wat dit mag veroorsaak.
Intussen maak Dundee self voorsiening vir sy werkers en word daar gebruik gemaak van ‘n plaaslike verskaffer vir drinkwater, wat sowat 4 000 liter water per dag sal verskaf. Werknemers se waterbottels word by Dundee se gym afgelaai en hulle kan daar veilige en vars water ontvang.
“Baie dankie vir die span onverpoosd werk om seker te maak ons werksplek se gesondheid en veiligheid word nie ingeboet nie,” het Kasete gesê.
Intussen is inwoners ontsteld oor die nuus en het talle op sosiale media gevra hoe lank die water al besoedel is. “Dit is onaanvaarbaar,” het een inwoner gesê, terwyl ander wou weet of die munisipaliteit hul mediese onkostes gaan dek.
Ander het gesê hulle behoort minder vir “besoedelde water” te betaal.
Nog ‘n bekommerde inwoner sê hy is reeds op skool geleer om water te kook voordat hy dit drink. “Dit is meer as tien jaar gelede . . . Gaan asseblief dokter toe, julle wat ongekookte water in Tsumeb gedrink het. Ek dink Tsumeb se munisipaliteit moet die inwoners ondersteun in hul mediese onkoste. Kook die water, selfs voor julle daarin bad!”
Nog ‘n inwoner meen hy sou al lankal gesterf het as die water onveilig was en het mense wat bekommerd is daaroor, aangeraai om “monsters” na ‘n laboratorium te neem vir toetse.
Kommentaar
Republikein
Geen kommentaar is op hierdie artikel gelaat nie