Vir liplekker eetgoed en nog veel meer

Vir die varsste brood in die dorp, vir die sappigste vleis, beste wyn of selfs vir algemene inkopies, is Kierie’s Farmhouse & Deli Shop gerieflik op pad na Etosha, die verre noorde, noordooste óf noordweste geleë.En natuurlik is dit baie gerieflik vir Tsumebbers ook!Kierie se winkel (uiteraard na een van die eienaars vernoem) is 12 jaar gelede deur Kierie en Elize Bruwer geopen.Met sakpaspryse en ’n wye verskeidenheid produkte op die rakke, asook heerlike borde eetgoed wat elke dag vars voorberei word, is Kierie se winkel ideaal vir daaglikse, weeklikse en maandelikse inkopies. Daar is ook ’n slaghuis vir die varsste vleis, ’n bakkery wat mens se mond behoorlik laat water, asook vars vrugte en groente. Moet ook nie die deli of koffiekroeg miskyk nie! Uitsoekwyne, boeke en basiese huishoudelike behoeftes asook ’n paar ingevoerde produkte uit Duitsland is ook hier te koop.Wat Kierie se winkel kop en skouers laat uitstaan, is die feit dat jy alles waarna jy soek onder een dak sal vind.Kierie verskaf tans werk aan 27 personeellede.Terwyl Kierie’s Farmhouse & Deli Shop reeds voortdurend kliënte tussen die rakke het, streef hulle daarna om die eerste winkel te wees waaraan mens dink wanneer jy kruideniersware wil koop én om altyd te verseker dat hul kliënte gelukkig en tevrede bly.Sedert 2010 het die Bruwers ook al verskeie hoogtepunte geniet.“Ek sou sê een van my persoonlike hoogtepunte by Kierie is die braai wat ons Vrydae hou. Ons begin al agtuur soggens ’n vleisie op die kole sit en daar is sommer baie vleis wat kliënte deur die dag vir hulle braaibord kan uitsoek. “Ek het al gesien ons kliënte is mal daaroor,” sê Tarina, Kierie se bestuurder.Kierie’s Farmhouse & Deli Shop is in Peter John Shanikaa-straat in Tsumeb geleë. Kontak hulle by 067 220719, elize@kierieshop.com of besoek kierieshop.com, of gaan loer op hul Facebook-blad vir die daaglikse spesiale kosaanbiedinge.

Vir liplekker eetgoed en nog veel meer

Kommentaar

Republikein 2025-12-23

Meld asseblief aan om kommentaar te lewer

Vir liplekker eetgoed en nog veel meer

Kommentaar

Republikein 2025-12-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.