Kom vrolik jou tuin hier op
Om ’n kwekery te begin is ’n groot uitdaging wat toewyding, lang ure en harde werk verg. Dit is nie genoeg om ingelig te wees oor die kweek van plante nie; eienaars van suksesvolle kwekerye moet ook goeie kennis hê van loodgieterswerk, elektrisiteit, toerusting, grondtipes, arbeidsbestuur, verpakking, versending, om ’n paar te noem.
En die 44-jarige Petrus David is só ’n man.
Hy is die afgelope vier jaar die eienaar van die Tsumeb Wes Kwekery wat ’n paar kilometer buite die dorp by die Farmhouse Deli geleë is.
Voordat Petrus sy eie kwekery begin het, het hy vir vyf jaar elders gewerk waar hy baie ervaring en kennis opgedoen het en wat hy nou in sy eie kwekery toepas.
Petrus se doel is om plante, tuinprodukte en dienste te verkoop wat voorsiening maak vir alle aspekte van eiendomsverbetering vir beide residensiële en kommersiële eiendomme.
Vir kliënte wat op soek is na ’n wye verskeidenheid plante, bome en tuinbykomstighede om die voorkoms van hul tuine en swembadarea te verfraai en te verbeter, is Petrus die man om te sien.
Sy plantjies word gekweek vir direkte verkope aan kliënte sowel as aan ander kleinhandelaars. Sy kwekery spog met ’n verskeidenheid huishoudelike plante, maar ook vrugte en sitrusbome soos lemoen en suurlemoen, mango, papaja, granaat, groen- en rooi druiwe, koejawel, suikerriet, appels, perskes en vele meer.
Daar is ook pragtige blomme vir diegene wat hul tuine wil verfraai.
Op die vraag oor hoekom hy gekies het om hierdie loopbaan te volg, het Petrus gesê: “Daar is ’n rede hoekom mense glo dit is beter om produkte direk van ’n plaas te koop en dit is omdat dit werklik beter is – of jy nou groen vingers het, ’n ywerige tuinier is en of jy dit oorweeg om ’n tuin as ’n stokperdjie te begin.”
Behalwe vir baie jare se kennis oor die bedryf en plante in die algemeen, het hy ook ’n passie daarvoor en dus was dit ’n natuurlike beroepskeuse vir hom.
En die 44-jarige Petrus David is só ’n man.
Hy is die afgelope vier jaar die eienaar van die Tsumeb Wes Kwekery wat ’n paar kilometer buite die dorp by die Farmhouse Deli geleë is.
Voordat Petrus sy eie kwekery begin het, het hy vir vyf jaar elders gewerk waar hy baie ervaring en kennis opgedoen het en wat hy nou in sy eie kwekery toepas.
Petrus se doel is om plante, tuinprodukte en dienste te verkoop wat voorsiening maak vir alle aspekte van eiendomsverbetering vir beide residensiële en kommersiële eiendomme.
Vir kliënte wat op soek is na ’n wye verskeidenheid plante, bome en tuinbykomstighede om die voorkoms van hul tuine en swembadarea te verfraai en te verbeter, is Petrus die man om te sien.
Sy plantjies word gekweek vir direkte verkope aan kliënte sowel as aan ander kleinhandelaars. Sy kwekery spog met ’n verskeidenheid huishoudelike plante, maar ook vrugte en sitrusbome soos lemoen en suurlemoen, mango, papaja, granaat, groen- en rooi druiwe, koejawel, suikerriet, appels, perskes en vele meer.
Daar is ook pragtige blomme vir diegene wat hul tuine wil verfraai.
Op die vraag oor hoekom hy gekies het om hierdie loopbaan te volg, het Petrus gesê: “Daar is ’n rede hoekom mense glo dit is beter om produkte direk van ’n plaas te koop en dit is omdat dit werklik beter is – of jy nou groen vingers het, ’n ywerige tuinier is en of jy dit oorweeg om ’n tuin as ’n stokperdjie te begin.”
Behalwe vir baie jare se kennis oor die bedryf en plante in die algemeen, het hy ook ’n passie daarvoor en dus was dit ’n natuurlike beroepskeuse vir hom.
Kommentaar
Republikein
Geen kommentaar is op hierdie artikel gelaat nie