Historiese gebou trek nuwe baadjie aan

Enzo Amuele op TsumebDie Duitse ambassade in Windhoek het 15 000 euro aan die Tsumeb-museum bewillig vir die herstel van die historiese mineralogiegebou wat in 1950 opgerig is.Dit is vir latere gebruik as ’n museum, asook die bewaring en beveiliging van die bestaande monster- en kaartargiewe.Volgens die ambassade se kultuurbeampte, Clarissa Judmann, het die Duitse ambassade die opknapping van die historiese gebou gesteun aangesien hulle die herstel van só ’n belangrike deel van Namibië se kulturele nywerheidserfenis en geskiedenis ondersteun.Sy het gesê Duitsland het ondervinding en kundigheid in dié gebied aangesien talle myne wat in die Ruhrvallei in Duitsland vervalle geraak het, in kulturele erfenisterreine omskep is, soos byvoorbeeld die Zeche Zollverein.“Tsumeb en die omliggende omgewing is een van die gebiede in die wêreld waar belangrike en rare nuwe mineraaltipes ontdek is,” het sy in ’n mediaverklaring gesê.Om monsters in ’n veilige omgewing te stoor, beteken dit word vir die volgende generasies bewaar om dit te kan bestudeer.Boonop word beplan dat verdere monsters en historiese toerusting van die buiteland na Namibië sal terugkeer.Die historiese kaarte gee insig oor hoe die myn en Tsumeb oor die afgelope 80 jaar ontwikkel het.Judmann het bygevoeg die ambassade ondersteun ook projekte op die gebied van die bewaring van kulturele erfenis. Die ambassade het die afgelope jare ook die Nasionale Argief van Namibië ondersteun met die verskaffing van ’n mikrofilmskandeerder. Die ou mynterrein is ideaal vir die oordrag van kennis oor die belangrike geologiese, mineralogiese en historiese aspekte waaruit die Tsumeb-myn en die dorp self bestaan.Belangrike en uiters ongewone nuwe tipes minerale is by die historiese mineralogiegebou ontdek en erken, waar wêreldbekende mineraloë soos John Innes, Bruno H. Geier en Hugo Strunz meer as op enige ander plek in die wêreld gewerk het.

Historiese gebou trek nuwe baadjie aan

Kommentaar

Republikein 2025-08-06

Meld asseblief aan om kommentaar te lewer

Historiese gebou trek nuwe baadjie aan

Kommentaar

Republikein 2025-08-06

Meld asseblief aan om kommentaar te lewer

MELD AAN

Advertensie