Williamson stel debuutroman bekend

Die karakters in die Amerikaanse skrywer Walter Hurst Williamson se roman, The Sands Shall Witness, kry vanaand om 19:00 lewe met ’n voorlesing deur die skrywer by die Goethe-instituut. Ná sy voorlesing sal ’n vraag-en-antwoordsessie gehou word. The Sands Shall Witness is Williamson se debuutroman, wat die verhaal van Conrad Huber vertel. Hy is ’n jong Duitse koloniale assistent wat in 1903 in die hedendaagse Namibië aankom toe sy regering hewige rebellies onder die inheemse gemeenskappe aangevuur het.Te midde van politieke onrus ontmoet Conrad vir Sybille Maherero – die dogter van die Herero-hoof wat die opstand teen die Duitsers lei – en raak verlief op haar. Hulle trotseer saam kulturele skeidings en ’n reis deur die Kalahariwoestyn is ’n keerpunt in hul verhouding.Williamson se passie vir storievertelling het op die ouderdom van agt begin. Sedertdien het historiese fiksie en Afrika-geskiedenis, wat hy jare lank bestudeer het, ’n aantrekkingskrag vir hom.“As skrywer hoop ek om die verhale van kulture en mense wat dikwels oor die hoof gesien word, op die voorgrond te plaas,” sê Williamson.Hy het sy dank teenoor die Otuvawa- kulturele sentrum in Eenhana uitgespreek vir hul bydrae tot die boek.– republikein@republikein.com.na

Williamson stel debuutroman bekend

Kommentaar

Republikein 2026-09-18

Meld asseblief aan om kommentaar te lewer

Williamson stel debuutroman bekend

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.