Waar tegnologie en die natuur ontmoet

Hoe sou ’n tegnologies verbeterde Namibië lyk wat die natuur integreer?Dit is die vraag wat die uitstalling Solarpunk, A story of Sand and Energy beantwoord. Die uitstalling word deur die groep van die Europese Unie se nasionale institute vir kultuur (Eunic) in Namibië aangebied, met die Spaanse kunstenaar Rocío Asensi en die Namibiese kunstenaar Vitjitua Ndjiharine wat dié visie ’n werklikheid gemaak het. Die kunstenaars is na ’n lang keuringsproses vir die uitstalling gekies. “Wat my opgewonde maak oor hierdie projek en tema, is om te dink aan die maniere waarop solarpunk se waardes reeds in ons sosiale bewussyn vertoon word,” sê Ndjiharine. “Aspekte soos gemeenskaplike en pastorale lewe, verbintenis met die land, boerdery en tuinmaak, kunsvlyt en om dinge te skep is alles deel van die alledaagse lewe in Namibië.” Asensi glo hierdie uitstalling sal Namibiërs met vars oë na hul omgewing laat kyk.“My doel is om ’n nuwe visie te bied – een wat tradisie en vernuwing oorbrug, samewerking tussen uiteenlopende gemeenskappe en gebiede bevorder en die land se natuurlike rykdom op die voorgrond plaas.” Sy beskryf haar deelname aan die projek as “’n ware voorreg”.Beide kunstenaars sal strukture, skilderye en klankopnames kombineer tydens ’n drie weke lange inwoningsprogram in Swakopmund. Hul samewerking sal lei tot ’n reisende uitstalling, voordat die kunswerke by die Frans-Namibiese Kultuursentrum in Windhoek uitgestal sal word. Daarna sal die projek ook geleenthede bied vir opvolginisiatiewe. Beide kunstenaars sal deur The Project Room ondersteun word.– republikein@republikein.com.na

Waar tegnologie en die natuur ontmoet

Kommentaar

Republikein 2025-12-17

Meld asseblief aan om kommentaar te lewer

Waar tegnologie en die natuur ontmoet

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.