Storielyn met vele kinkels

Digger het die fliekgemeenskap verdeel en dit is maklik om te sien waarom. Jy gaan egter verder moet lees om my mening te hoor.Die fliek neem groot risiko’s en gewoonlik beteken dit dat dit óf ’n treffer, óf ’n mislukking gaan wees. Dit is gewaagd en beweeg in rigtings wat jy nooit sou verwag nie.Dis moeilik om oor die storiekeuses te praat sonder om die hele storie te verklap en ek wil nie die fliek vir enigiemand bederf nie. Die enigste ding wat ek kan sê, is dat Digger ervaar en nie net gekyk moet word nie.Hoe meer ek oor die fliek nadink, hoe meer besef ek watter verdeeldheid dit kan veroorsaak. Dis ’n satire wat onverwagse wendinge neem. Dis juis dié kinkels wat maak dat jy die film gaan liefhê, of dit kan jou jou kop laat krap.Hierdie fliek het soveel om te sê, veral gegewe alles wat tans in die wêreld gebeur en ek dink dis ’n waarheid wat mense ongemaklik kan laat voel.Ek het beslis van Digger gehou. Ek dink dis ’n slim fliek wat nie probeer om sy temas weg te steek nie. Dit is eerlik oor wat dit wil sê en doen dit op ’n manier wat eintlik baie snaaks is. Ek het baie keer gelag, maar terselfdertyd kon ek die boodskap ter harte neem, al is dit ’n bietjie vreesaanjaend. Daar is dele van die fliek wat nie vir my gewerk het nie, maar ek sal aan die einde daarby uitkom.Tom Cruise het homself werklik in iemand anders verander en ek bedoel nie net met al die grimering nie. Hy lewer wat ek net kan beskryf as een van sy beste vertonings nog. Ek het elke sekonde geniet wat hy op die skerm was en sy mede-akteurs het die beste in hom na vore gebring.John Goodman was fenomenaal en waarskynlik een van die beste dele van die fliek. Riz Ahmed lewer weer eens ’n uitstekende vertoning, terwyl Sandra Hüller, Michael Stuhlbarg en Jesse Plemons werklik uitblink in die beperkte skermtyd wat hulle het. ’n Akteur kan net so goed wees soos wat die regisseur en storie hom of haar toelaat om te wees. Alejandro G. Iñárritu het die fliek geregisseer, mede-geskryf en mede-vervaardig en hy het op alle gebiede groot risiko’s geneem. Ek is mal oor die draaiboek en die vloei van die verhaal.Ek dink wel sommige karakters kon ’n bietjie meer skermtyd gekry het, maar die storie balanseer steeds die intrige en die vertolkings op ’n pragtige wyse. Ek is mal oor die estetika van die fliek en die keuses wat Iñárritu as regisseur gemaak het.Die storie werk net danksy die produksie-ontwerp en die regisseur. Die fliek spring werklik van die skerm af en dit kom alles neer op hoe pragtig dit lyk. Nou, wat nie vir my gewerk het nie. Die fliek het ’n sekere storielyn wat ek voel ’n bietjie onnodig was, al werp dit uiteindelik vrugte af. Ek voel die fliek kon daarsonder gewerk het. Trouens, ek dink die fliek sou daarby gebaat het as dit nie ingesluit was nie. Ek verstaan egter waarom die regisseur besluit het om dit te behou.Digger is dalk nie vir almal nie, maar diegene wat daarvan hou, gaan beslis mal daaroor wees. Ek het beslis meer daarvan gehou as wat ek verwag het. Dis ongebreideld, buitensporig en vreemd op al die beste maniere. Dis ’n fliek wat vir die bioskoop gemaak is en ons sien nie meer baie daarvan nie. Vir my is dit sonder twyfel ’n fliek wat vier uit vyf sterre verdien.– themovieguy.nam@gmail.com

Storielyn met vele kinkels

Kommentaar

Republikein 2026-10-09

Meld asseblief aan om kommentaar te lewer

Storielyn met vele kinkels

Kommentaar

Republikein 2026-10-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.