Simbole van hoop

Namibië het onlangs ’n nuwe generasie inspirerende jong vroue by ’n gala-aand gevier met die kroning van Miss Hope Namibia National 2025.Die kompetisie, wat daarop gemik is om hoop, leierskap en gemeenskapsontwikkeling te bevorder, het vanjaar se wenners as simbole van veerkragtigheid en positiewe verandering gekroon.Jané van Schalkwyk (Gobabis) is aangewys as Pre-Teen Hope Namibia National 2025, met Karlie Nel as tweede prinses en Elinka Botes wat as eerste prinses aangewys is. Miss Teen Hope Namibia National 2025 is Amoré Smith (Gobabis). Haar eerste prinses is Zanelle Steyn en haar tweede prinses Joné Bergh. Vanjaar se Miss Hope Namibia National 2025 is Lehana Nel van Gobabis. Volgens die stigter van Miss Hope Namibia National, Anita Senekal, het dié inspirerende jong vroue deur hul toewyding, passie en sterk boodskap van hoop gewys dat ware skoonheid nie net fisies is nie, maar in ’n omgeehart en ’n visie vir ’n beter toekoms lê. “Met hierdie titel hoop hulle om ’n aktiewe rol in gemeenskapsprojekte te speel, bewustheid oor belangrike maatskaplike uitdagings te skep en jong Namibiërs te inspireer om hul drome met hoop en volharding na te streef,” sê Anita. Anita was in 2018 die titelhouer van Miss Elite Hope International en bly deur middel van die kompetisie daartoe verbind om jong vroue te bemagtig en ’n kultuur van leierskap, hoop en positiewe verandering in Namibië te kweek. Vanjaar se wenners sal hul invloed gebruik om werklike verandering in die land te bring deur projekte en inisiatiewe wat gemeenskappe ondersteun en lewens verbeter.“Ons wenners sal Namibië in November internasionaal verteenwoordig wanneer hulle hul projekte en visie op ’n wêreldverhoog deel. “Dit is ’n ongelooflike geleentheid om ons land se boodskap van hoop en bemagtiging met die wêreld te deel.”Sy het ook haar dankbaarheid teenoor al die borge, organiseerders en die publiek uitgespreek vir hul onbaatsugtige ondersteuning.“Die reis het nog maar net begin. Namibië kan uitsien na ’n jaar gevul met ’n positiewe impak en opheffingswerk deur ons nuwe Miss Hope Namibia National en haar span!” – henriette@republikein.com.na

Simbole van hoop

Kommentaar

Republikein 2025-11-03

Meld asseblief aan om kommentaar te lewer

Simbole van hoop

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.