RMB Concerto-fees kry geldelike hupstoot

Die Duitse ambassade in Windhoek het sy steun aan die Namibiese Nasionale Simfonieorkes aangekondig deur die RMB Concerto-fees met ’n bydrae van 5 000 euro (ongeveer N$97 500) te borg. Die skenking word deur die ambassade se kultuurfonds verskaf.Die fees word op 17 en 18 Augustus aangebied en sal die talente van jong Namibiese musikante by die ouditorium van die Deutsche Höhere Privatschule (DHPS) ten toon stel.Die Concerto-fees is in 2014 vir die eerste keer gehou met Florian Rohn as gassolis en Alexander Fokkens as dirigent. Hulle is begelei deur die Namibiese Nasionale Simfonieorkes. Sedertdien is die fees ’n gunsteling op die klassieke kalender.Die Concerto-fees bied ’n geleentheid vir jong Namibiese musikante wat aan die Kollege van die Kunste (Cota) saam met private musiekonderwysers studeer om saam met ’n volle orkes en voor ’n gehoor op te tree.Die Namibiese Nasionale Simfonieorkes verwelkom vanjaar weer vir Xavier Cloete as dirigent.Boonop sal die RMB Concerto-fees spesiale gaste uit Duitsland, die Karlsruher-konsertduo, verwelkom wat Namibië reeds by verskeie geleenthede besoek het.Saam met die Namibiese konsertmeester en violis Jürgen Kriess sal die Karlsruher-konsertduo ,Dagmar Hartmann en Reinhard Armleder, Beethoven se Drievoudige-concerto uitvoer.Kaartjies is beskikbaar by webtickets.com.na, Pick n Pay- en Shoprite-takke en by die deur.– republikein@republikein.com.na

RMB Concerto-fees kry geldelike hupstoot

Kommentaar

Republikein 2025-06-17

Meld asseblief aan om kommentaar te lewer

RMB Concerto-fees kry geldelike hupstoot

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie