'Reën' Vrydag verwag

Tydens hul sprokiestroue in Desember verlede jaar het die plaaslike musikant Esmarie haar liedjie “Reën” met haar man, Kris Labuschagne, en hul gaste gedeel. “Ek was aanvanklik nie van plan om die liedjie vry te stel nie, aangesien dit ’n geskenk aan my man was en net vir hom en ons gaste bedoel was. Ná ons troue het al die gaste gevra wanneer ek die liedjie gaan vrystel, want hulle wil dit graag luister,” het Esmarie gesê. Die liedjie dwaal volgens Esmarie al sedert haar verlowing in 2022 in haar kop rond, maar sou vir ses maande ’n gedagte wees voor sy dit die eerste keer kon neerpen.“Ons het einde 2022 verloof geraak en ek het besluit ek wil vir my man iets spesiaal skryf,” sê sy en vertel sy wou verskeie elemente bymekaarbring. “Ek wou natuurlik gehad het dit moet ’n liefdesliedjie vir my man wees, aangesien dit ’n trougeskenk aan hom was. Ek wou dat die liedjie moet herinner waar ek vandaan kom en dat dit gelowig moet wees – aangesien ’n troue ’n bevestiging van die huwelik voor God is,” sê sy. “Ek het lank gedink oor hoe ek dit gaan bymekaarbring en uiteindelik gedink aan reën – hoe ons wag vir reën en bid vir reën en hoe daar mooi in daardie wagperiodes is,” vertel Esmarie agter die inspirasie wat uiteindelik die elemente bymekaargebring het. “Dit was ’n lang proses. Mense praat altyd van hoe hulle geïnspireer word en ek was natuurlik ’n bietjie geïnspireer, maar baie keer was dit ook baie tegnies,” sê Esmarie. In daardie stadium was sy nog ’n musiekstudent aan die Universiteit van Pretoria, en Esmarie en van haar vriende het in haar kamer aan die liedjie geskaaf en skuur tot hy reg was. Haar vriendin en mede-musiekstudent Abigail Coetzee het haar idees verleen om die lirieke te skryf en ’n goeie vriend van beide Esmarie en Kris, Vaughn Ahrens, het saam met sy tromslaner Adam Brandon-Kirby en baskitaarspeler Ray Mup die liedjie opgeneem. Abigail het ook haar musiektalent by Esmarie en Kris se troue ten toon gestel en het die dag ná hul troue aan haar kêrel verloof geraak. “Reën” is vanaf eerskomende Vrydag op alle musiekstromingsplatforms beskikbaar. – irene@republikein.com.na

'Reën' Vrydag verwag

Kommentaar

Republikein 2026-02-04

Meld asseblief aan om kommentaar te lewer

'Reën' Vrydag verwag

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.