Oudisies vandag vir nuwe jeugkoor

’n Nuwe jeugkoor – Windhoek Namibia Youth Choir (WNYC) – word vanjaar in die lewe geroep onder leiding van die bekende Namibiese koorleier, Fanie Dorfling.Oudisies word vandag gehou en is oop vir enige jong sanger van Windhoek. As jy vanjaar 16 word, of reeds 17 of 18 jaar oud is, kan jy aansoek doen vir ’n kans om ’n koorlid te word.Om vir ’n oudisie te bespreek, stuur jou naam, van en ouderdom via WhatsApp na 081 127 5465 en ’n oudisietyd sal aan jou gestuur word. Berei ’n liedjie van jou eie keuse voor; een wat die beste by jou stem pas.“As lid van die koor sal jy die ongelooflike krag van musiek ontdek. Jy sal jouself leer ken en ook hoe om saam in ’n span te werk wat uit baie taal- en kultuurgroepe bestaan en om vir ’n gemeenskaplike doel te sing,” sê Dorfling.“Koorsang gaan nie net oor stemme wat harmoniseer nie: Dit bou ’n goeie selfbeeld en dissipline, en jy word deel van ’n groep mense wat later soos familie voel. Jy sal verseker lewenslange vriendskappe smee.“Voorts, as deel van die WNYC, sal jy jou stem ontwikkel en nuwe stemvaardighede aanleer onder leiding van ’n kenner op dié gebied.“Koorlede leer om saam te werk en hoe om met selfvertroue voor gehore op te tree,” sê Dorfling.Hy voeg by: “Navorsing bewys om in ’n koor soos hierdie te sing, lei tot emosionele gesondheid en verminder stres. So, dit sal nie net lekker wees om in WNYC te sing nie, dis ook goed vir jou siel en gesondheid.”Dorfling (sy Mmus-graad aan die Nelson Mandela-universiteit verwerf) dirigeer reeds die afgelope 30 jaar kore en het Namibië op die hoogste vlak met verskeie van sy kore verteenwoordig. Een van sy vorige kore is tydens die 2018 Wêreldkoorspele as wêreldkampioene in hul afdeling gekroon. – republikein@republikein

Oudisies vandag vir nuwe jeugkoor

Kommentaar

Republikein 2026-05-07

Meld asseblief aan om kommentaar te lewer

Oudisies vandag vir nuwe jeugkoor

Kommentaar

Republikein 2026-05-07

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.