Nuwe wyne pronk op die rakke
Drie nuwe wynplase het onlangs hul buiging in die Namibiese mark gemaak: Skilpadvlei, Le Chant en Taaibosch.
Die eienaars en wynmakers was in Windhoek om hul wyne bekend te stel.
Willie Joubert, die eienaar van Skilpadvlei, vertel dat hy die vierde geslag op die plaas is, wat reeds sedert 1917 in sy familie se besit is.
“Ons het aanvanklik druiwe aan die koöperasie gelewer en mettertyd ook vir Rupert & Rothschild geproduseer, iets wat ek steeds doen.
“Dit is juis hoe ek vir Schalk-Willem Joubert ontmoet het, wat die uitvoerende hoof van Taaibosch is, destyds bekend as Cordoba.”
Intussen, vertel Willie, het hy besluit om sy eie wyn te begin maak.
By Skilpadvlei gaan dit egter nie net oor wyn nie: die landgoed spog ook met ’n gastehuis wat 60 mense kan akkommodeer, ’n restaurant vir 400 mense, asook ’n konferensievenue vir sowat 200 mense.
Oor die wyne sê hy: “Ek en Schalk het kragte saamgesnoer om Le Chant op die been te bring, met Petri Venter as ons wynmaker. Ons het aanvanklik net in Suid-Afrika bemark, maar nou is dit ook in Europa beskikbaar.”
Hulle fokus nou ook op die Namibiese mark, wat hulle hoop “as ’n beginpunt vir die res van Afrika” kan dien.
Dié geleentheid het ontstaan deur Wutow Trading, wat onlangs vir T&C uitgekoop het.
Wat wyn betref, het Skilpadvlei twee wyne op die mark: ’n Sauvignon blanc en ’n rooi versnit van cabernet en merlot — die ML Joubert — wat na Willie se oumagrootjie vernoem is.
Le Chant spog met twee wyne: ’n Nuwe wêreldse rooi en ’n ou wêreldse chenin blanc, wat besonders is omdat dit gemaak word van wingerde ouer as 35 jaar, sê Petri.
“Die derde etiket wat ons Namibië toe gebring het, is die Taaibosch Crescendo, wat hoofsaaklik uit cabernet franc bestaan. Skilpadvlei het dié druiwe aanvanklik vir Rupert & Rothschild se Baron gelewer.”
Petri meen Taaibosch se Pink Valley gee ’n moderne kinkel aan ou wyne.
“Dit is nie die semisoet, pienk wyn wat jy tien of vyftien jaar gelede gedrink het nie. Ek moes vorentoe beweeg in terme van palet, en het sangiovese- en grenache-druiwe hiervoor gebruik. Die sangiovese het groot korrels wat ’n heerlik vrugtige wyn oplewer.”
Wat die Pink Valley verder uniek maak, is dat dit een wyn van een plaas is – een van die enigste landgoedere in Suid-Afrika wat dit doen.
Le Chant is op Polkadraai geleë, waar hulle twee wyne maak: Die chenin blanc van ou wingerde, en ’n versnit van vyf kultivars wat, soos Polkadraai self, ’n bietjie “left of centre, hip and happening” is, ’n jong en opkomende wyngebied.
Op die vraag oor wat sy gunsteling is, lag Petri en sê hy moet bietjie daaroor dink.
“Ek hou baie daarvan om rooies te maak; dit verg die meeste deernis. Maar om met korrels van wingerde te werk wat al 35 jaar oud is, is vir my ideaal.
“Ek kom uit ’n chardonnay-agtergrond, so ek moes aanvanklik my voete met die chenin vind. Maar ek hou van die varsheid en vrugtigheid daarvan. Ek het niks teen die rooi nie; ek hou daarvan om dit te maak, maar ek is self ’n chenin blanc-drinkertjie!”
Die wyne word deur Wutow Trading versprei en is by uitgesoekte drankwinkels beskikbaar.
– [email protected]
Die eienaars en wynmakers was in Windhoek om hul wyne bekend te stel.
Willie Joubert, die eienaar van Skilpadvlei, vertel dat hy die vierde geslag op die plaas is, wat reeds sedert 1917 in sy familie se besit is.
“Ons het aanvanklik druiwe aan die koöperasie gelewer en mettertyd ook vir Rupert & Rothschild geproduseer, iets wat ek steeds doen.
“Dit is juis hoe ek vir Schalk-Willem Joubert ontmoet het, wat die uitvoerende hoof van Taaibosch is, destyds bekend as Cordoba.”
Intussen, vertel Willie, het hy besluit om sy eie wyn te begin maak.
By Skilpadvlei gaan dit egter nie net oor wyn nie: die landgoed spog ook met ’n gastehuis wat 60 mense kan akkommodeer, ’n restaurant vir 400 mense, asook ’n konferensievenue vir sowat 200 mense.
Oor die wyne sê hy: “Ek en Schalk het kragte saamgesnoer om Le Chant op die been te bring, met Petri Venter as ons wynmaker. Ons het aanvanklik net in Suid-Afrika bemark, maar nou is dit ook in Europa beskikbaar.”
Hulle fokus nou ook op die Namibiese mark, wat hulle hoop “as ’n beginpunt vir die res van Afrika” kan dien.
Dié geleentheid het ontstaan deur Wutow Trading, wat onlangs vir T&C uitgekoop het.
Wat wyn betref, het Skilpadvlei twee wyne op die mark: ’n Sauvignon blanc en ’n rooi versnit van cabernet en merlot — die ML Joubert — wat na Willie se oumagrootjie vernoem is.
Le Chant spog met twee wyne: ’n Nuwe wêreldse rooi en ’n ou wêreldse chenin blanc, wat besonders is omdat dit gemaak word van wingerde ouer as 35 jaar, sê Petri.
“Die derde etiket wat ons Namibië toe gebring het, is die Taaibosch Crescendo, wat hoofsaaklik uit cabernet franc bestaan. Skilpadvlei het dié druiwe aanvanklik vir Rupert & Rothschild se Baron gelewer.”
Petri meen Taaibosch se Pink Valley gee ’n moderne kinkel aan ou wyne.
“Dit is nie die semisoet, pienk wyn wat jy tien of vyftien jaar gelede gedrink het nie. Ek moes vorentoe beweeg in terme van palet, en het sangiovese- en grenache-druiwe hiervoor gebruik. Die sangiovese het groot korrels wat ’n heerlik vrugtige wyn oplewer.”
Wat die Pink Valley verder uniek maak, is dat dit een wyn van een plaas is – een van die enigste landgoedere in Suid-Afrika wat dit doen.
Le Chant is op Polkadraai geleë, waar hulle twee wyne maak: Die chenin blanc van ou wingerde, en ’n versnit van vyf kultivars wat, soos Polkadraai self, ’n bietjie “left of centre, hip and happening” is, ’n jong en opkomende wyngebied.
Op die vraag oor wat sy gunsteling is, lag Petri en sê hy moet bietjie daaroor dink.
“Ek hou baie daarvan om rooies te maak; dit verg die meeste deernis. Maar om met korrels van wingerde te werk wat al 35 jaar oud is, is vir my ideaal.
“Ek kom uit ’n chardonnay-agtergrond, so ek moes aanvanklik my voete met die chenin vind. Maar ek hou van die varsheid en vrugtigheid daarvan. Ek het niks teen die rooi nie; ek hou daarvan om dit te maak, maar ek is self ’n chenin blanc-drinkertjie!”
Die wyne word deur Wutow Trading versprei en is by uitgesoekte drankwinkels beskikbaar.
– [email protected]
Kommentaar
Republikein
Geen kommentaar is op hierdie artikel gelaat nie