Lewe as pa en eggenoot ’n ‘hiernamaals’ vir Spoegwolf se Danie

“Ek dink ons het maar ’n harde pad gestap daai jare. Dit was tough, dit was vier mans in ’n kar wat soos gypsies in ’n sirkus rondreis op soek na ’n plek om te speel en op soek na iets om te eet.” Só skerts Danie du Toit, die hoofsanger van Spoegwolf, oor dié rockgroep se beginjare.Spoegwolf tree môre om 21:00 by Windhoek Hoërskool se skoolsaal op as deel van die FNB Windhoek Woordfees.Verskeie plaaslike kunstenaars soos Lin-Mari, HB Musiek en Raas in Afrikaans sal ook die skare vooraf vermaak.Sedert hul laaste optrede as deel van die FNB Windhoek Woordfees, het Spoegwolf vier nuwe albums vrygestel.Die nuutste album, getiteld Eindbestemming, is volgens du Toit ’n ode aan die lewe wat hy met sy vrou en tweejarige seuntjie deel. “Ek dink die eindbestemming verwys na wanneer jy iemand ontmoet in jou lewe wat ’n plek is waar jy nie verder hoef te gaan nie – ’n plek van rus, ’n plek van vrede en ek dink my vrou en my kind is daardie eindbestemming vir my. “Dit is vir my soos ’n hiernamaals, dit voel asof jy in ’n vorm van die hemel ingestap het,” sê hy. Pa-wees het ook die kern van sy skryfwerk verskuif, vertel hy in ’n onderhoud met Kletskompas.“Die rede hoekom ek dit doen, het verander. Ek dink voor ek ’n pa geword het, het ek dinge vir myself gedoen en dan word dinge op ’n ander manier aangepak.“Nou doen ek dit vir my seun en vir my vrou en ek dink dit maak dinge so ’n klein bietjie meer vurig en dit gee my baie meer energie en baie meer dryfkrag om dinge reg te kry en elke dag te skryf.”Kaartjies vir Spoegwolf se vertoning môreaand in Windhoek is nog by www.eticket.my.na beskikbaar.– irene-mari@nmh-hub.com.na

Lewe as pa en eggenoot ’n ‘hiernamaals’ vir Spoegwolf se Danie

Kommentaar

Republikein 2026-05-05

Meld asseblief aan om kommentaar te lewer

Lewe as pa en eggenoot ’n ‘hiernamaals’ vir Spoegwolf se Danie

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.